Cyflwyniad

Y Prif Weithredwr a'r Tîm Gweithredol sy'n gyfrifol am weithgareddau Cymwysterau Cymru o ddydd i ddydd. Mae ein gwaith ni a gwaith y sefydliad ehangach yn cael ei oruchwylio gan fwrdd a benodwyd yn gyhoeddus. Amlinellir gwybodaeth fanwl am ein nodau, ein gweithrediadau a'n atebolrwydd yn ein dogfen fframwaith.

Mae crynodebau o holl gyfarfodydd diweddar y Pwyllgor Archwilio a Sicrhau Risg i'w gweld yma.

Rôl y bwrdd

Mae'r bwrdd yn cyfarfod bum gwaith y flwyddyn ac yn cynnwys y Cadeirydd, y Prif Weithredwr a hyd at 10 aelod arall. 

Mae’r bwrdd yn gyfrifol am: 

  • ddiffinio a datblygu cyfeiriad strategol a gosod amcanion 
  • dwyn y Prif Weithredwr i gyfrif a monitro gweithgareddau Cymwysterau Cymru er mwyn sicrhau eu bod yn cael eu cynnal yn effeithlon ac yn effeithiol 
  • hyrwyddo safonau uchel o gyllid cyhoeddus - gan gynnal egwyddorion rheoleidd-dra, priodoldeb a gwerth am arian

Aelodau'r bwrdd

 David Jones OBE DL, Cadeirydd 

Penodir David B. Jones gan Lywodraeth Cymru yn Gadeirydd Cymwysterau Cymru, ynghyd ag aelodau anweithredol eraill y bwrdd..    Mae hefyd yn atebol i Senedd Cymru am berfformiad y sefydliad yn unol â Deddf Cymwysterau Cymru 2015.  Cafodd ei benodi i ddechrau ym mis Hydref 2019, a'i ailbenodi am ail dymor tair blynedd ym mis Hydref 2022.  

Ac yntau’n Beiriannydd Electroneg Siartredig, mae ganddo dros 30 mlynedd o brofiad o weithio ym maes addysg bellach ac addysg uwch ac fe fu’n Brif Weithredwr Coleg Cambria. Mae ganddo hefyd brofiad eang mewn amrywiaeth o rolau anweithredol, gan gynnwys penodiadau cyfredol gyda Chyfarpar Amddiffyn a Chymorth (Deca), Estyn ac  NSPCC Cymru.  Bu hefyd yn arwain adolygiad 2023 o Addysg Bellach a Hyfforddiant yn y sector Byrddau Addysg a Hyfforddiant yn Iwerddon. Ar hyn o bryd mae’n Cadeirio panel adolygu sydd â’r dasg o gynnal proses feincnodi ryngwladol o rolau ymarferwyr Addysg Bellach a Hyfforddiant (FET), ar ran Adran Addysg Bellach ac Uwch, Ymchwil, Arloesedd a Sgiliau Llywodraeth Iwerddon (DFHERIS).

Mae David yn siaradwr Cymraeg rhugl, ac yn byw yn Rhuthun, Sir Ddinbych. 

   Philip Blaker, Prif Weithredwr 

Fel Prif Weithredwr a Swyddog Cyfrifyddu Cymwysterau Cymru, mae Philip Blaker yn bersonol gyfrifol am: 

Mae ganddo gefndir mewn darparu asesiadau ac arholiadau cenedlaethol ac mae ei yrfa wedi canolbwyntio ar gyflawni gwaith cymhleth ar raddfa fawr

Daeth Philip yn Brif Weithredwr pan sefydlwyd Cymwysterau Cymru yn 2015.

   Douglas Blackstock, aelod o’r bwrdd  

Douglas yw Llywydd y Gymdeithas Ewropeaidd ar gyfer Sicrhau Ansawdd mewn Addysg Uwch (ENQA), sydd ag aelodau a chysylltiadau mewn 45 o wledydd yn Ardal Addysg Uwch Ewrop. 

Mae’n gyn Brif Weithredwr Asiantaeth Sicrhau Ansawdd annibynnol y DU ar gyfer Addysg Uwch (QAA), eu rôl yw sicrhau bod safonau academaidd yn cael eu cynnal a bod cyfleoedd dysgu myfyrwyr o’r ansawdd uchaf ar draws pedair gwlad y DU. Bu Douglas mewn swyddi Gweithredol yn yr Asiantaeth am 20 mlynedd ac mae bellach yn gweithredu fel ymgynghorydd rhyngwladol i QAA. Mae hefyd yn darparu gwasanaeth ymgynghori annibynnol.   

Yn ogystal â bod yn aelod o Fwrdd Cymwysterau Cymru, mae ganddo rolau cyfarwyddwr anweithredol yn Cilex Legal Regulation, Prifysgol y Gyfraith, Y Brifysgol Brydeinig yn yr Aifft, Cyngor Hong Kong ar gyfer Achredu Cymwysterau Academaidd a Galwedigaethol a Choleg De Swydd Gaerloyw a Stroud ac mae’n aelod o Fwrdd Cynghori FutureLearn a'r Sefydliad Addysg Gydol Oes.

Ymunodd Douglas â'r Bwrdd ym mis Mehefin 2021. 

 Julie Brannan, aelod o’r bwrdd 

Mae Julie yn gyn Gyfarwyddwr Addysg a Hyfforddiant yn yr Awdurdod Rheoleiddio Cyfreithwyr, a hi fu’n arwain y gwaith o gyflwyno'r Arholiad Cymhwyso Cyfreithwyr newydd ar gyfer derbyn mynediad fel cyfreithiwr yng Nghymru a Lloegr. 

Cyn hynny, roedd hi’n Gyfarwyddwr Sefydliad Rhydychen dros Ymarfer Cyfreithiol ac yn bartner ymgyfreitha yn Herbert Smith Freehills. 

Yn ogystal â bod yn aelod o Fwrdd Cymwysterau Cymru, mae Julie yn aelod o Fwrdd Cynghori Barbri UK.   

Ymunodd Julie â'r Bwrdd ym mis Medi 2021. 

 Michael Griffiths OBE, aelod o’r bwrdd  

Ar hyn o bryd mae Mike yn ymgynghorydd addysgol, yn canolbwyntio ar arweinyddiaeth, addysgeg a materion ymchwil, sydd yn y gorffennol wedi cynnwys y sector ysgolion a’r sector prifysgolion yn genedlaethol ac yn rhyngwladol. Yn flaenorol, roedd yn bennaeth ar Ysgol Uwchradd Caerdydd, ac Ysgol Gyfun y Barri cyn hynny. Yn 2020 cwblhaodd rôl tair blynedd fel Arweinydd Llywodraeth Cymru ar gyfer un o chwe maes dysgu a phrofiad y cwricwlwm cenedlaethol newydd. Roedd yn aelod o Gyngor Celfyddydau Cymru rhwng 2012 a 2021 ac roedd yn Gadeirydd ei bwyllgor Adnoddau Dynol a Chydnabyddiaeth.

Ymunodd Mike â’r Bwrdd ym mis Mehefin 2021.

 Graham Hudson, aelod o’r bwrdd  

Mae gan Graham gefndir helaeth ym maes safonau a chymwysterau gydag amrywiaeth o gyrff dyfarnu a rheoleiddio. Arweiniodd raglen ymchwil a ariannwyd yn gyhoeddus a oedd yn cynnwys yr holl wledydd datganoledig oedd yn edrych ar y defnydd o dechnoleg mewn arholiadau ac asesiadau.  

Ar hyn o bryd mae'n cefnogi sefydliadau sy'n dymuno symud i asesiadau digidol prif ffrwd a hyrwyddo'r achos dros ddefnyddio asesiadau technoleg estynedig yn genedlaethol ac yn rhyngwladol. Mae'n Aelod o Sefydliad y Cyfarwyddwyr, yn Gymrawd Cymdeithas Frenhinol y Celfyddydau ac yn Gadeirydd y Gymdeithas e-Asesu. 

Ymunodd Graham â'r Bwrdd ym mis Mehefin 2021.   

Image result for profesor john latham  Yr Athro John Latham CBE, aelod bwrdd

John yw Is-Ganghellor a Phrif Swyddog Gweithredol Grŵp Prifysgol Coventry. Mae ganddo gefndir mewn technoleg gwybodaeth a thelathrebu. Yn y gorffennol, bu'n gweithio i nifer o sefydliadau sector preifat gan gynnwys JHP Group, Jaguar Cars a BT. 

Mae John wedi dal rolau proffil uchel ar lefelau rhanbarthol, cenedlaethol ac Ewropeaidd yn hyrwyddo arloesedd, technoleg a datblygiad economaidd. Mae hefyd yn aelod o Sefydliad y Cyfarwyddwyr a’r Sefydliad Rheolaeth Siartredig.   

Ymunodd John â'r Bwrdd ym mis Rhagfyr 2021.

  Sharron Lusher MBE DL, aelod o'r bwrdd

Sharron yw cadeirydd Corff Adolygu Cyflogau Annibynnol Cymru, a benodwyd gan Lywodraeth Cymru i wneud argymhellion ar gyflog ac amodau athrawon ac arweinwyr yng Nghymru. Gyda dros 25 mlynedd o brofiad o fewn y sector addysg a sgiliau, ymddeolodd Sharron fel Prif Weithredwr Coleg Sir Benfro ym mis Gorffennaf 2018. Roedd hyn yn dilyn gyrfa yn Marks and Spencer, lle bu’n gyfrifol yn y pen draw am y gweithrediad Logisteg Ewropeaidd, a leolir ym Mharis.

Mae gan Sharron brofiad eang o rolau anweithredol, gan ei bod yn aelod o fwrdd ateb – cymdeithas dai, ac yn gadeirydd Bwrdd Cyfiawnder Ieuenctid Sir Benfro.

Ailymunodd Sharron â’r Bwrdd ym mis Ionawr 2024 ar ôl camu i ffwrdd am gyfnod o 18 mis i gadeirio adolygiad Llywodraeth Cymru o gymwysterau galwedigaethol yng Nghymru.

   Ravi Pawar, aelod o’r bwrdd 

Mae gan Ravi 30 mlynedd o brofiad o weithio ym maes addysg uwchradd fel athro ac uwch-arweinydd mewn ysgolion ar draws de Cymru. Ar hyn o bryd mae'n bennaeth Ysgol Gyfun Bryntirion ym Mhen-y-bont ar Ogwr. 

Mae wedi cyfrannu at waith Cymwysterau Cymru fel aelod o'i Grŵp Cyfeirio Penaethiaid. Ef yw Cadeirydd presennol Parthian Books, gan gyfrannu at ddiwylliant llenyddol Cymru drwy gyhoeddi'r gyfres Library of Wales. 

Ymunodd Ravi gyda'r Bwrdd fel cynghorydd ym mis Medi 2022, ac fel aelod bwrdd ym mis Ebrill 2025.  

 Hannah Rowan, aelod o’r bwrdd  

Dechreuodd Hannah ei gyrfa gyda Teach First, elusen sy'n hyfforddi athrawon i weithio mewn ysgolion sy'n gwasanaethu cymunedau difreintiedig. Bu’n gweithio fel athrawes ieithoedd cyn ymuno â thîm y staff ac yn y pen draw rheoli rhaglen Teach First yng Nghymru.

Mae hi bellach yn rhedeg ei busnes ymgynghori ei hun, gan ddefnyddio ei sgiliau hyfforddi a rheoli newid i helpu sefydliadau nid-er-elw i ddatrys problemau cymhleth. Mae'n parhau i weithio ar amrywiaeth o brosiectau i hyrwyddo cydraddoldeb, amrywiaeth a chynhwysiant.

Mae hi hefyd yn Gyfarwyddwr Anweithredol Ymddiriedolaeth Brifysgol GIG Gwasanaethau Ambiwlans Cymru, lle mae’n gwasanaethu fel Cadeirydd y Pwyllgor Partneriaeth Academaidd ac mae ganddi rôl Hyrwyddwr Ymchwil.

Ymunodd Hannah â'r Bwrdd ym mis Ebrill 2021.

   Liz Rosser, aelod o'r bwrdd 

Ar hyn o bryd, Liz yw Cyfarwyddwr Gweithredol Gweithrediadau ac Adnoddau yr Awdurdod Rheoleiddio Cyfreithwyr. Mae hi’n arwain ystod eang o wasanaethau corfforaethol mewnol yno, gan gynnwys Cyllid, Adnoddau Dynol, TG, Llywodraethu Gwybodaeth, Risg, a Newid Busnes. Mae hi hefyd yn arwain tîm gweithredol mawr sy'n darparu gwasanaethau allanol i'r proffesiwn cyfreithiol. Cyn hynny, bu'n Gyfarwyddwr Adnoddau gyda’r Asiantaeth Sicrhau Ansawdd Addysg Uwch. Mae Liz yn gyfrifydd siartredig sydd â thros 30 mlynedd o brofiad yn y sector nid-er-elw. Mae hi’n arweinydd strategol uchel ei pharch, ac mae hi hefyd wedi cyflawni sawl swydd anweithredol, gan gynnwys Is-gadeirydd Llywodraethwyr ar gyfer ysgol gynradd fawr, a Thrysorydd ymddiriedolaeth ysbyty. 

Ymunodd Liz â'r bwrdd ym mis Ionawr 2025. 

   Emmajane Milton, aelod o'r bwrdd 

Mae Emmajane wedi gweithio ym maes Addysg ers dros 20 mlynedd a hynny mewn ystod eang o swyddi arweiniol ym meysydd academia, datblygu polisi, ac yn y sector ysgolion statudol. Yn 2018 daeth yn Gymrawd Addysgu Cenedlaethol Advance-HE, ac mae ei diddordebau ymchwil/ysgolheictod yn canolbwyntio ar arfer addysgol, ymholi a dysgu proffesiynol athrawon/addysgwr, dulliau addysgiadol o arwain a mentora, a recriwtio a chadw gweithwyr addysg proffesiynol.    

Ar hyn o bryd, mae Emmajane yn Athro Ymarfer Addysgol ym Mhrifysgol Caerdydd ac mae ganddi ymroddiad cryf i wella ymarfer addysg ym mhob maes Addysg.   

Mae Emmajane wedi cyflawni sawl swydd arwain strategol, gan gynnwys ar gyfer y Gymdeithas Datblygu Proffesiynol Rhyngwladol ac i sefydliadau'r trydydd sector a'r celfyddydau yng Nghymru. 

Ymunodd Emmajane â'r bwrdd ym mis Ionawr 2025. 

Gwrthdaro buddiannau

Mae'n ofynnol i holl aelodau'r bwrdd gwblhau Datganiadau o Ddiddordeb.

Y tîm gweithredol

Mae tîm gweithredol Cymwysterau Cymru yn gyfrifol am weithgareddau'r sefydliad o ddydd i ddydd ac yn cydweithio â'r bwrdd wrth ddatblygu strategaethau a chynlluniau hirdymor. 

Mae'r tîm gweithredol yn cynnwys: 

  • Prif Weithredwr 
  • Cyfarwyddwr Gweithredol, Rheoleiddio 
  • Cyfarwyddwr Gweithredol, Adnoddau Corfforaethol 
  • Cyfarwyddwr Gweithredol, Polisi a Diwygio Cymwysterau 
  • Cyfarwyddwr, Cyfathrebu ac Ymgysylltu

Grŵp Uwch Arweinyddiaeth

Gan adrodd i'n cyfarwyddwyr, mae gennym yr Uwch Grŵp Arwain (SLG).

Mae’r rolau canlynol yn adrodd i'r Cyfarwyddwr Gweithredol Rheoleiddio:

  • Pennaeth Monitro Cymwysterau Galwedigaethol a Chydymffurfiad Corff Dyfarnu
  • Pennaeth Monitro a Safonau Cymwysterau Cyffredinol
  • Pennaeth  Cymeradwyo Cymhwyster a Dynodiad
  • Pennaeth Polisi Rheoleiddio


Mae’r rolau canlynol yn adrodd i'r Cyfarwyddwr Gweithredol Polisi a Diwygio:

  • Rheolwr Prosiectau
  • Uwch Reolwr Cymwysterau x7

Mae’r rolau canlynol yn adrodd i'r dan y Cyfarwyddwr Gweithredol Adnoddau Corfforaethol:

  • Pennaeth Ymchwil ac Ystadegau
  • Pennaeth Cyllid
  • Pennaeth Caffael
  • Pennaeth TG
  • Pennaeth Llywodraethu Corfforaethol
  • Pennaeth AD
  • Uwch Reolwr Cyfleusterau


Mae’r rolau canlynol yn adrodd i'r Cyfarwyddwr Cyfathrebu ac Ymgysylltu:

  • Pennaeth Cyfathrebu
    Pennaeth Ymgysylltu Strategol

Pwyllgorau'r bwrdd

Y Pwyllgor Archwilio a Sicrhau Risg  
Mae’r Pwyllgor Archwilio a Sicrhau Risg yn cyfarfod bedair gwaith y flwyddyn, ynghyd â’n harchwilwyr mewnol ac allanol, i adolygu ein prosesau ar gyfer risg, rheolaeth a llywodraethu, ac i asesu ein datganiadau ariannol a’n cyfrifon.  

Mae crynodebau o holl gyfarfodydd diweddar y Pwyllgor Archwilio a Sicrhau Risg ar gael yma.

Y Pwyllgor Adnoddau 
Mae'r Pwyllgor Adnoddau yn canolbwyntio ar gyllid, cynllunio busnes ac adnoddau dynol. Mae'n cyfarfod tua thair gwaith y flwyddyn.  

Y Pwyllgor Rheoleiddio  
Mae'r Pwyllgor Rheoleiddio Polisi a Goruchwylio Safonau yn rhoi argymhellion i'r bwrdd ar unrhyw faterion sy'n ymwneud â rheoliadau, polisïau a fframweithiau. Mae'r pwyllgor yn cyfarfod hyd at bedair gwaith y flwyddyn.  

Y Pwyllgor Cydnabyddiaeth Ariannol 
Mae'r Pwyllgor Cydnabyddiaeth Ariannol yn cyfarfod o leiaf unwaith y flwyddyn i ddarparu argymhellion ar gydnabyddiaeth ariannol staff ac aelodau'r bwrdd, gan gynnwys telerau ac amodau, buddion, cyflogau a phensiynau. 

Bwrdd Cymwysterau Cymru - Cylch Gorchwyl

Cofnodion y bwrdd

Mae cofnodion holl gyfarfodydd diweddar bwrdd Cymwysterau Cymru i'w gweld yma.