Asesu digidol a Deallusrwydd Artiffisial mewn cymwysterau nad ydynt yn raddau yng Nghymru

Prif nodau Cymwysterau Cymru yw sicrhau bod cymwysterau, a'r system gymwysterau, yn effeithiol ar gyfer diwallu anghenion rhesymol dysgwyr yng Nghymru; a hyrwyddo hyder y cyhoedd mewn cymwysterau ac yn system gymwysterau Cymru. 

Er mwyn ei helpu i gyflawni'r nodau hyn, fe wnaethom gomisiynu Beaufort Research yn hydref 2020 i gynnal astudiaeth ymchwil ansoddol aml-gam i ddeall hyder rhanddeiliaid mewn meysydd gwahanol.  Mae'r ddogfen hon yn adrodd ar astudiaeth a gynhaliwyd fel rhan o'r ymchwil a gomisiynwyd a oedd yn archwilio barn rhanddeiliaid ar asesu digidol a deallusrwydd artiffisial mewn cymwysterau ac, yn llai manwl, gweithredu’r Cynnig Llawn o Gymwysterau 14-161. Bydd y canfyddiadau yn bwydo i mewn i’r gwaith y mae Cymwysterau Cymru yn ei wneud ar draws y meysydd hyn.