Dadansoddiad Cydraddoldeb Cymwysterau Cyffredinol yn haf 2024
Mae'r datganiad yma’n cyflwyno ystadegau ar wahaniaethau yng nghanlyniadau cymwysterau yn ôl nodweddion dysgwyr.
Pwyntiau Allweddol:
Unigolion 16 oed sy’n sefyll cymwysterau TGAU
- Yn haf 2024, roedd 22.4% o'r graddau TGAU a ddyfarnwyd i ddysgwyr benywaidd yn radd A/7 neu’n uwch, o’i gymharu â 15.8% ar gyfer dysgwyr gwrywaidd. Roedd 67.2% o'r graddau a ddyfarnwyd i ddysgwyr benywaidd yn C/4 neu'n uwch, o’i gymharu â 59.0% ar gyfer dysgwyr gwrywaidd.
- Ar gyfer dysgwyr sy'n gymwys i gael prydau ysgol am ddim, roedd 7.3% o'r graddau a ddyfarnwyd yn haf 2024 yn A/7 neu'n uwch ac roedd 39.7% yn C/4 neu'n uwch. Ar gyfer dysgwyr nad oeddent yn gymwys, roedd 21.3% o'r graddau yn A/7 neu'n uwch a 67.4% yn C/4 neu'n uwch.
- Roedd 6.6% o'r graddau a ddyfarnwyd i ddysgwyr â darpariaeth ADY/AAA yn A/7 neu'n uwch, o'i gymharu ag 20.0% o'r graddau a ddyfarnwyd i ddysgwyr heb ddarpariaeth. Cyfran y graddau a ddyfarnwyd ar radd C/4 neu’n uwch oedd 34.7% ar gyfer dysgwyr â darpariaeth ADY/AAA a 65.2% ar gyfer dysgwyr heb ddarpariaeth.
- Mae bylchau cyrhaeddiad yn amrywio yn ôl pwnc, ac mae newidiadau mewn bylchau cyrhaeddiad dros amser yn dangos patrymau gwahanol ar gyfer gwahanol bynciau a throthwyon graddau.
- O'i gymharu â grwpiau eraill, cyflawnodd dysgwyr yn y grŵp ethnig "Asiaidd, Asiaidd Prydeinig neu Asiaidd Cymreig" y canlyniadau uchaf ar bob trothwy gradd allweddol yn haf 2024. Canlyniadau ar gyfer dysgwyr yn y grŵp ethnig "Du, Du Prydeinig, Du Cymreig, Caribïaidd neu Affricanaidd" ar raddau C/4 a G/1 a welodd y cynnydd mwyaf o ran pwynt canran o'i gymharu â 2019.
Unigolion 18 oed sy'n sefyll cymwysterau Safon Uwch Gyfrannol (UG) a Safon Uwch
- Yn haf 2024, roedd y bylchau cyrhaeddiad yn y graddau uchaf a gyflawnwyd ar lefel UG a Safon Uwch rhwng dysgwyr yn yr ardaloedd mwyaf a lleiaf difreintiedig yn ehangach nag yn haf 2019. O'i gymharu â haf 2023, roedd y bwlch yn llai ar gyfer y rhan fwyaf o'r graddau, ond yn fwy ar gyfer graddau Safon Uwch A* i E.
Oherwydd y trefniadau dyfarnu gwahanol a ddigwyddodd, nid oes modd cymharu canlyniadau rhwng 2020 a 2023 yn uniongyrchol â’i gilydd, nac â chanlyniadau blynyddoedd blaenorol.
Mae rhagor o wybodaeth i’w chael am ganlyniadau yn ôl nodweddion disgyblion yn y datganiad Canlyniadau Arholiadau a gyhoeddwyd gan Lywodraeth Cymru.
Cysylltu
Ystadegydd
Ffôn: 01633 373 292
E-bost: ystadegau@cymwysterau.cymru
Y Wasg
Ffôn: 01633 373 222
E-bost: cyfryngau@cymwysterau.cymru