1. Pwy yw'r rheolydd data?

1.1. Mae Cymwysterau Cymru yn 'rheolydd data' fel y’i diffinnir gan Erthygl 4(7) o'r Rheoliad Cyffredinol ar Ddiogelu Data (GDPR). 

1.2. Ni yw rheolydd y data personol rydym yn ei brosesu, oni nodir yn wahanol.

1.3. Fel rheolydd data, rydym yn pennu dibenion a dulliau prosesu eich gwybodaeth bersonol, gan sicrhau ei bod yn cael ei rheoli'n gyfreithlon ac yn ddiogel yn unol â deddfwriaeth diogelu data.

1.4. Mae gennym Swyddog Diogelu Data penodedig, a’u manylion cyswllt yw:

Catherine English 
Cymwysterau Cymru 
Adeilad Q2, Lôn Pencarn 
Parc Imperial 
Coedcernyw 
Casnewydd 
NP10 8AR 
01633 373222
llywodraethugwybodaeth@cymwysterau.cymru 

2. Pa ddata ydych chi'n ei gasglu?

2.1. Er mwyn cyflawni ein swyddogaeth statudol fel rheoleiddiwr, mae angen i ni gasglu a defnyddio eich data personol ac weithiau eich data personol categori arbennig.  

2.2. Rydym yn casglu'r data personol canlynol: 

a) dynodyddion personol – gall hyn gynnwys eich enw, dyddiad geni, rhif yswiriant gwladol, rhif unigryw disgybl, enw'r sefydliad a theitl swydd.
b) manylion cyswllt – gall hyn gynnwys eich cyfeiriad cartref neu waith, rhif ffôn a chyfeiriad e-bost.
c) nodweddion – er enghraifft, eich oedran a'ch dewisiadau iaith
d) y cymwysterau a ddilynir, y pynciau a addysgir a'r darparwr addysg
e) manylion cyflogaeth
f) safbwyntiau a barn 
g) data categori arbennig – gall hyn gynnwys eich hil, tarddiad ethnig, aelodaeth o undeb llafur, credoau crefyddol, data iechyd a chyfeiriadedd rhywiol 
h) ffotograffau
i) fideos. 

2.3. Efallai y bydd achosion lle byddwn yn gwneud eich data yn ddienw. Er enghraifft, mewn arolwg efallai na fydd angen eich enw na’ch manylion cyswllt arnom. Os felly, dim ond eich ymatebion i’r arolwg y byddwn yn eu casglu.

3. Sut ydych chi'n casglu fy nata ac ar gyfer beth ydych chi'n ei ddefnyddio?

3.1. Rydym yn casglu eich data personol drwy'r prosesau canlynol:

a) ein gweithgareddau rheoleiddio a'n rhwymedigaethau statudol
b) casglu data dysgwyr oddi wrth gyrff dyfarnu a chyrff cyhoeddus eraill at ddibenion ymchwil ac ystadegol ac i gyflawni ein swyddogaeth fel rheoleiddiwr
c) ymgysylltu, ymchwilio, ac ymgynghori â chi fel rhanddeiliaid
d) pan fyddwch yn cofrestru i fynychu digwyddiad i randdeiliaid
e) pan fyddwch yn cysylltu â ni gydag ymholiad, cwyn, cais gwrthrych am wybodaeth, neu gais Rhyddid Gwybodaeth
f) pan fyddwch yn gwneud cais am swydd gyda ni neu os ydych chi’n gweithio gyda ni ar hyn o bryd neu wedi gwneud hynny yn y gorffennol
g) wrth wneud cais am gydnabyddiaeth fel corff dyfarnu
h) pan fyddwch yn ymweld â'n gwefannau
i) pan fyddwch yn tanysgrifio i un o'n rhestrau postio
j) wrth ymweld â'n swyddfa
k) wrth ddefnyddio ein mannau gwefru cerbydau trydan; ac 
l) wrth ymrwymo i gontract am nwyddau neu wasanaethau gyda ni. 

3.2. Rydym yn casglu'r data hwn fel y gallwn:

a) gyflawni ein swyddogaeth fel rheoleiddiwr
b) sicrhau bod cymwysterau, a system gymwysterau Cymru, yn effeithiol ar gyfer diwallu anghenion rhesymol dysgwyr yng Nghymru 
c) hybu hyder y cyhoedd mewn cymwysterau ac yn system gymwysterau Cymru
d) ymateb i ymholiadau cyffredinol 
e) ymchwilio i gwynion neu bryderon a godwyd gennych chi neu unigolion eraill 
f) cynorthwyo gydag ymchwilio a chynllunio gwasanaethau cyngor newydd
g) rhoi'r wybodaeth ddiweddaraf i randdeiliaid am waith Cymwysterau Cymru
h) cydymffurfio â'n rhwymedigaethau statudol.

4. Pwy sydd â mynediad at fy nata personol?

4.1. Mae’n bosibl y byddwn yn cadw eich data personol ar gronfeydd data a systemau fel y gallwn ddarparu gwybodaeth i chi, a’ch adnabod yn hawdd os byddwch yn cysylltu â ni. Mae mynediad i’ch data personol wedi’i gyfyngu’n llym a dim ond os oes ei angen arnynt ar gyfer tasg y maent yn gweithio arni ac wedi’u hawdurdodi i wneud hynny y caiff swyddogion Cymwysterau Cymru gael mynediad i’ch data personol. 

5. Ydych chi'n defnyddio proseswyr data allanol?

5.1. Ydyn, rydym weithiau’n defnyddio sefydliadau prosesu data allanol. Mae gennym gontractau a chytundebau prosesu data ar waith gyda'n proseswyr data. Mae hyn yn golygu na allant wneud unrhyw beth gyda'ch data personol oni bai ein bod wedi eu cyfarwyddo i wneud hynny. Ni fyddant yn rhannu eich gwybodaeth bersonol ag unrhyw sefydliad ar wahân i ni oni bai eu bod wedi'u hawdurdodi i wneud hynny a bod cytundeb is-brosesu priodol ar waith. Rhaid i broseswyr ac is-broseswyr trydydd parti gydymffurfio â deddfwriaeth diogelu data a rhaid iddynt gadw eich data personol yn ddiogel, a’i gadw am y cyfnod y byddwn yn eu cyfarwyddo i wneud hynny. 

5.2. Pan fydd y gwaith yn dod i ben neu pan fydd y contract yn dod i ben, bydd y prosesydd allanol yn rhoi eich data personol yn ôl i Cymwysterau Cymru os oes angen ac yna bydd yn ei ddileu neu'n ei ddinistrio'n ddiogel.

6. Ydych chi'n rhannu gwybodaeth gyda sefydliadau eraill?

6.1. Ydyn, mewn rhai amgylchiadau mae rhwymedigaeth gyfreithiol arnom i rannu gwybodaeth. Er enghraifft, o dan orchymyn llys neu pan fyddwn yn cydweithredu ag awdurdodau eraill wrth ymdrin â chwynion neu ymchwiliadau. Efallai y byddwn hefyd yn rhannu gwybodaeth â chyrff rheoleiddio eraill i hyrwyddo eu hamcanion, neu ein hamcanion. Mewn achosion o'r fath, byddwn yn sicrhau bod sail gyfreithiol ddilys ar gyfer rhannu eich gwybodaeth, a byddwn yn cofnodi ein proses benderfynu yn unol â hynny.  Efallai na fydd yn rhaid i ni ddweud wrthych os byddwn yn rhannu eich gwybodaeth bersonol gyda sefydliadau eraill fel hyn.

6.2. Mae’n bosibl y bydd gan ein harchwilwyr mewnol, swyddog diogelu data ac archwilwyr allanol hefyd fynediad at eich data personol er mwyn cwblhau eu gwaith. Dim ond os oes gennym sail gyfreithlon i wneud hynny y byddwn yn rhannu data personol â sefydliad arall, a byddwn bob amser yn cadw cofnodion o’r adeg y datgelwyd eich data i sefydliad arall.

6.3. Rydym hefyd yn rhannu data personol gyda'r Archifau Gwladol. Fel awdurdod cyhoeddus mae'n rhaid i ni gydymffurfio â Deddf Cofnodion Cyhoeddus 1958. Mae'n ofynnol i ni gadw a throsglwyddo cofnodion ag iddynt arwyddocâd hanesyddol i'r Archifau Gwladol ar ôl 20 mlynedd yn unol â'u Polisi Casglu.

6.4. Rydym ond yn rhannu data personol pan fo hynny’n deg ac yn gyfreithlon. Nid ydym yn rhannu data personol ag unrhyw drydydd partïon at ddibenion marchnata uniongyrchol. 

7. Beth yw eich sail gyfreithlon?

7.1. Mae amryw o resymau cyfreithiol i ni gasglu a defnyddio eich data personol. 

7.2. Ein prif sail gyfreithlon ar gyfer casglu a defnyddio eich data personol yw ein galluogi i gyflawni ein tasg gyhoeddus fel rheoleiddiwr y system gymwysterau yng Nghymru ac i arfer ein swyddogaethau swyddogol o dan Ddeddf Cymwysterau Cymru 2015 o dan Erthygl 6(1)(e) GDPR.

7.3. Pan fyddwch yn rhoi caniatâd clir i ni brosesu eich data personol at ddiben penodol, ein sail gyfreithlon fydd caniatâd o dan Erthygl 6(1)(a) GDPR.  

7.4. Pan fo angen prosesu er mwyn cyflawni contract yr ydych yn barti iddo, yna ein sail gyfreithlon fydd Erthygl 6(1)(b).

7.5. Pan fo angen prosesu er mwyn cydymffurfio â’n rhwymedigaethau cyfreithiol, ein sail gyfreithiol fydd Erthygl 6(1)(c).

7.6. Pan fyddwn yn casglu ac yn prosesu data gan ddefnyddio pwerau cyfreithiol eraill, byddwn yn rhoi gwybod i chi. 

7.7. Wrth gasglu a phrosesu data categori arbennig, rydym fel arfer yn defnyddio sail gyfreithiol caniatâd penodol i brosesu'r wybodaeth hon. Mewn sefyllfaoedd pan fo'n ofynnol i ni brosesu data categori arbennig am resymau cyfreithiol neu statudol, byddwn yn rhoi gwybod i chi am y sail gyfreithiol a'r mesurau diogelu sydd ar waith. Fel arall, rydych chi'n rhydd i dynnu'ch caniatâd yn ôl ar unrhyw adeg, a byddwn yn rhoi'r gorau i brosesu eich data categori arbennig oni bai bod sail gyfreithlon arall i ni barhau i wneud hynny.

8. Am ba mor hir y byddwch chi’n cadw fy nata personol?

8.1. Byddwn ond yn cadw eich data personol cyhyd ag y mae ei angen at y diben y’i casglwyd, neu am gyhyd ag sy’n ofynnol gan ddeddfwriaeth, a byddwn yn ei ddinistrio pan na fydd angen inni ei gadw at y dibenion hynny mwyach. Mae cyfnodau cadw gwahanol ar gyfer gwahanol fathau o wybodaeth. 

9. Ydych chi'n trosglwyddo data personol y tu allan i'r DU?

9.1. Fel arfer, mae'r wybodaeth sydd gennym yn cael ei chadw yn y DU. Fodd bynnag, efallai y bydd rhywfaint o wybodaeth yn cael ei chadw ar weinyddion cyfrifiadurol sydd y tu allan i'r DU. Yn yr achosion hyn, byddwn yn cymryd pob cam rhesymol i sicrhau nad yw eich data’n cael ei brosesu mewn gwlad nad yw llywodraeth y DU yn ei hystyried yn 'ddiogel'. Os bydd angen i ni anfon eich data allan o'r DU, byddwn yn sicrhau bod ganddo amddiffyniad ychwanegol rhag colled neu fynediad heb awdurdod. 

10. Beth yw fy hawliau diogelu data?

10.1. O dan ddeddfwriaeth diogelu data, mae gennych hawliau o ran prosesu eich data personol. Mae'r hawliau sydd ar gael i chi yn dibynnu ar y rheswm dros brosesu eich gwybodaeth.

10.2. Yn amodol ar rai eithriadau cyfreithiol, mae gennych yr hawl i:

a) Mynediad – mae gennych yr hawl i ofyn i ni am gopi o'ch gwybodaeth bersonol.  Mae'r hawl hon bob amser yn berthnasol, er bod rhai eithriadau sy'n golygu efallai na chewch yr holl wybodaeth rydym yn ei brosesau ym mhob achos.
b) Cywiro – mae gennych yr hawl i ofyn i ni gywiro gwybodaeth rydych chi'n meddwl sy'n anghywir.  Mae'r hawl hon bob amser yn berthnasol.
c) Dileu – mae gennych yr hawl i ofyn i ni ddileu eich gwybodaeth bersonol.  Fodd bynnag, dim ond mewn rhai amgylchiadau y mae'r hawl hon yn berthnasol.
d) Cyfyngiad – mae gennych yr hawl i ofyn i ni osod cyfyngiad ar y modd y byddwn yn prosesu eich gwybodaeth. Fodd bynnag, dim ond mewn rhai amgylchiadau y mae'r hawl hon yn berthnasol.  
e) Gwrthwynebu – mae gennych yr hawl i wrthwynebu prosesu.  Fodd bynnag, dim ond mewn rhai amgylchiadau y mae'r hawl hon yn berthnasol, ac efallai na fydd angen i ni roi'r gorau i brosesu os gallwn roi rhesymau cryf a chyfreithlon dros barhau i ddefnyddio eich data.
f) Cludadwyedd - mae hyn ond yn berthnasol i wybodaeth rydych chi wedi'i darparu i ni, ac sy'n cael ei chadw'n electronig. Mae gennych yr hawl i ofyn i ni drosglwyddo'r wybodaeth a roesoch i ni o un sefydliad i'r llall neu ei rhoi i chi. Mae'r hawl yn berthnasol dim ond os ydym yn prosesu gwybodaeth yn seiliedig ar eich caniatâd neu o dan eich caniatâd, neu mewn trafodaethau am ymrwymo i gontract a bod y prosesu’n awtomataidd.

10.3. Gallwch gael rhagor o wybodaeth am eich hawliau drwy fynd i wefan yr ICO yma: Eich hawliau diogelu data | ICO

11. Ydych chi'n prosesu data plant a phobl ifanc? 

11.1. Ydym, weithiau rydym yn derbyn ac yn prosesu gwybodaeth sy'n ymwneud â phlant, megis pan fyddwn yn delio â chwynion sy'n ymwneud â phobl ifanc neu'n cynnal ymchwiliadau sy'n ymwneud â nhw. Yn ogystal, gall plant roi eu gwybodaeth eu hunain i ni yn uniongyrchol, er enghraifft, pan fyddant yn dewis cofrestru ar gyfer ein platfform ymgysylltu neu’n cymryd rhan mewn astudiaethau ymchwil a drefnwn. Gall yr wybodaeth hon gynnwys enwau, manylion cyswllt, a data personol perthnasol arall sy'n angenrheidiol i ni gyflawni ein dyletswyddau statudol.

11.2. Mae'r wybodaeth a amlinellir yn yr hysbysiad hwn yr un mor berthnasol i blant ac oedolion fel ei gilydd. Rydym wedi ymrwymo i ddiogelu preifatrwydd a hawliau plant yn yr un modd ag y gwnawn ar gyfer oedolion, gan sicrhau bod yr holl wybodaeth bersonol yn cael ei rheoli'n ddiogel ac yn unol â'r cyfreithiau diogelu data perthnasol.

11.3. Rydym hefyd yn cydnabod pwysigrwydd gwneud ein hysbysiadau preifatrwydd a dogfennaeth prosesu data arall yn hygyrch ac yn hawdd i blant a phobl ifanc eu deall. Rydym yn ymdrechu i ddarparu gwybodaeth mewn ffordd glir ac addas i oedran fel bod plant a phobl ifanc yn ymwybodol o sut mae eu data yn cael ei ddefnyddio a pha hawliau sydd ganddynt ynghylch eu gwybodaeth bersonol.

12. Sut alla i gwyno am y ffordd rydych chi wedi trin fy nata personol?

12.1. Os oes gennych bryderon am y ffordd rydym wedi trin eich data personol, cysylltwch â’n Swyddog Diogelu Data:  

Catherine English
Cymwysterau Cymru 
Adeilad Q2, Lôn Pencarn 
Parc Imperial 
Coedcernyw 
Casnewydd 
NP10 8AR 
01633 373222
llywodraethugwybodaeth@cymwysterau.cymru 

12.2. Os nad yw'r Swyddog Diogelu Data yn gallu datrys eich pryderon, neu os nad ydych yn fodlon â'r ymateb a roddir, gallwch wneud cwyn gan ddefnyddio ein Polisi Cwynion Corfforaethol, sy'n cynnwys adran sy’n ymdrin â phryderon diogelu data.

Gallwch hefyd gwyno i Swyddfa'r Comisiynydd Gwybodaeth (y rheoleiddiwr diogelu data) am y ffordd rydym wedi trin eich data personol:

Swyddfa'r Comisiynydd Gwybodaeth 
Llawr 2
Tŷ Churchill
Ffordd Churchill 
Caerdydd 
CF10 2HH
0330 414 6421
wales@ico.org.uk

13. A yw fy ngwybodaeth yn destun datgeliad o dan y Ddeddf Rhyddid Gwybodaeth?

13.1. Fel corff cyhoeddus, mae’r wybodaeth sydd gennym yn ddarostyngedig i'r Ddeddf Rhyddid Gwybodaeth.  Fodd bynnag, byddwn yn cydymffurfio â Deddf Diogelu Data 2018 a GDPR y DU wrth ystyried ceisiadau a wneir o dan y Ddeddf Rhyddid Gwybodaeth, ac nid ydym fel arfer yn rhyddhau data personol o dan geisiadau Rhyddid Gwybodaeth.  Yn y rhan fwyaf o achosion, nid ydym yn datgelu data personol mewn ymateb i geisiadau Rhyddid Gwybodaeth. 

14. Gwybodaeth am Breifatrwydd sy’n Benodol i'r Gwasanaeth 

A. Ymchwil Trefniadau Mynediad 

i. Fel rhan o’r gweithgarwch hwn, bydd Cymwysterau Cymru yn prosesu gwybodaeth amdanoch a all gynnwys eich enw, teitl swydd, manylion cyswllt, ac anghenion dysgu ychwanegol dysgwyr sy’n cymryd rhan yn yr ymchwil, ynghyd â’ch barn, er mwyn gwella ein dealltwriaeth o’r system trefniadau mynediad.  

ii. Bydd y wybodaeth a gesglir yn ystod cam un yn cael ei defnyddio i wella ein dealltwriaeth o'r system trefniadau mynediad ac i lywio dulliau gweithredu yn y dyfodol.  Gellir ei defnyddio hefyd yn ystod cam dau, pan fyddwn yn archwilio i ba raddau y mae trefniadau mynediad yn deg ac yn hydrin, ac i gynhyrchu a chyhoeddi adroddiadau ymchwil. 

iii. Y sail gyfreithlon ar gyfer prosesu'r wybodaeth hon yw caniatâd o dan Erthygl 6(1)(a) o’r Rheoliad Cyffredinol ar Ddiogelu Data y DU (GDPR).  

iv. Y sail gyfreithlon ar gyfer prosesu data personol categori arbennig yw Erthygl 9(2)(a), caniatâd penodol ac Atodlen 1, Rhan 2, Paragraff 6(2)(a) o'r Ddeddf Diogelu Data. 

v. Cymwysterau Cymru fydd rheolydd data a phrosesydd data’r wybodaeth bersonol a ddarperir.  Bydd Appen, cwmni trawsgrifio allanol, a gomisiynwyd gan Cymwysterau Cymru, yn trawsgrifio'r cyfweliadau a recordiwyd a bydd yn brosesydd data unrhyw wybodaeth bersonol a ddarperir iddynt gan Cymwysterau Cymru.   

vi. Byddwn ond yn cadw eich data personol cyhyd ag y bydd ei angen at y diben y cafodd ei gasglu ar ei gyfer, neu gyhyd ag sy'n ofynnol gan ddeddfwriaeth, a byddwn yn ei ddinistrio pan nad oes angen i ni ei gadw at y dibenion hynny mwyach.   Bydd gwybodaeth bersonol a gesglir fel rhan o’r ymchwil hwn yn cael ei chadw’n ddiogel drwy gydol y prosiect ac yna’n cael ei dinistrio.

B. Teledu Cylch Cyfyng ac Ymwelwyr â'r Swyddfa 

I. Cymwysterau Cymru yw rheolydd data ein lluniau teledu cylch cyfyng (CCTV) a chofnodion presenoldeb. 

ii. Rydym yn monitro ein maes parcio gan ddefnyddio teledu cylch cyfyng o dan y sail gyfreithiol prosesu ar gyfer buddiannau cyfreithlon, Erthygl 6(1)(f) GDPR.  Y buddiannau cyfreithlon yw at ddibenion atal trosedd a thystiolaeth, a diogelwch ein staff ac ymwelwyr. 

iii. Cedwir y deunydd ffilm yn ddiogel a dim ond i staff Cyfleusterau a'n contractwr teledu cylch cyfyng y bydd ar gael.  Bydd yn cael ei gadw am 70 diwrnod ac yna’n cael ei ddinistrio os nad oes ei angen at ddibenion tystiolaeth.  

iv. Gofynnir i gontractwyr ac ymwelwyr â'r swyddfa lofnodi yn y dderbynfa a chofnodi eu hamseroedd presenoldeb.  Mae hyn er mwyn cydymffurfio â'n rhwymedigaethau cyfreithiol o dan y Ddeddf Iechyd a Diogelwch yn y Gwaith ac unrhyw ofynion iechyd cyhoeddus a allai fod yn eu lle.  Yn achos contractwyr, cedwir gwybodaeth hefyd ar gyfer cofnodion contract.  

v. Bydd gwybodaeth am ymwelwyr yn cael ei chadw am 60 diwrnod, a bydd gwybodaeth am gontractwyr yn cael ei chadw am flwyddyn. 

C. Cwynion a Chwythu'r Chwiban 

i. Wrth ymchwilio i gwynion, achosion o chwythu'r chwiban a digwyddiadau rheoleiddio, bydd angen i ni brosesu gwybodaeth bersonol.  

ii. Gallwn brosesu data personol i:

a) ymchwilio i gwynion a wneir am gyrff dyfarnu a reoleiddir gennym ni
b) ymchwilio i gwynion a wneir amdanom ni
c) ymchwilio i achosion chwythu'r chwiban a ddygwyd i'n sylw; a
d) monitro sut mae cyrff dyfarnu yn rheoli digwyddiadau a allai gael effaith andwyol yng Nghymru.
 
iii. Cymwysterau Cymru yw rheolydd y data hwn.

iv. Y sail gyfreithlon dros brosesu'r wybodaeth hon yw erthygl 6(1)(e) o GDPR y DU sy'n caniatáu inni brosesu data personol pan fo hyn yn angenrheidiol i gyflawni ein tasgau cyhoeddus fel rheoleiddiwr. 

v. Os yw'r wybodaeth rydych chi'n ei darparu i ni mewn perthynas â'ch cwyn yn cynnwys data categori arbennig, megis gwybodaeth iechyd, crefyddol neu ethnig, y sail gyfreithlon yr ydym yn dibynnu arni i'w phrosesu yw Erthygl 9(2)(g) o GDPR y DU, budd sylweddol i’r cyhoedd, ac Atodlen 1, Rhan 2, Paragraff 6(2)(a) o Ddeddf Diogelu Data 2018 sy'n ymwneud â dibenion statudol a llywodraethol.

vi. Bydd unrhyw ddata personol a gesglir i ymchwilio i gwynion, a chwythu'r chwiban yn cael ei adolygu i'w waredu ar ôl pum mlynedd ond gellir ei gadw am hyd at ddeng mlynedd. 

vii. Gellir rhoi mynediad i'r wybodaeth hon i adolygwyr annibynnol sydd wedi’u contractio gennym ni i adolygu achosion.  Mewn rhai achosion, efallai y bydd angen rhannu gwybodaeth â rheoleiddwyr eraill y DU neu ein cyfreithwyr penodedig. 

D. Cwcis

i. Ffeiliau yw cwcis sy’n cael eu cadw ar eich ffôn, llechen neu gyfrifiadur pan fyddwch chi’n ymweld â gwefan.

ii. Rydym yn defnyddio cwcis i storio gwybodaeth am sut rydych chi'n defnyddio'r wefan hon, megis y tudalennau rydych chi'n ymweld â nhw. Gall cwcis storio dewisiadau defnyddwyr a gwybodaeth arall.  Gallwch ffurfweddu eich porwr i wrthod pob cwci neu i nodi pryd mae cwci yn cael ei anfon. Fodd bynnag, efallai na fydd rhai o nodweddion neu wasanaethau’r wefan yn gweithio'n iawn heb gwcis.

iii. Gallwn ddefnyddio’r canlynol ar ein gwefan:

a) cwcis sy'n mesur defnydd gwefan
b) cwcis sy'n helpu gyda chyfathrebu a marchnata
c) cwcis sy'n cofio eich gosodiadau
d) cwcis eraill sy'n gwbl angenrheidiol

iv.    Y sail gyfreithiol rydym yn dibynnu arni i brosesu eich data personol yw naill ai caniatâd o dan Erthygl 6(1)(a) neu fuddiannau cyfreithlon o dan Erthygl 6(1)(f) lle mai’r budd cyfreithlon yw cynnal a chadw ein systemau TGCh a’u cywirdeb.

E. Dweud Eich Dweud

I. Er mwyn cofrestru ar ein llwyfan ymgysylltu, Dweud Eich Dweud, byddwn yn casglu gwybodaeth bersonol benodol gennych chi. Mae hyn yn cynnwys eich enw, eich cyfeiriad e-bost a’ch dewisiadau iaith ynghyd â gwybodaeth a fydd yn ein helpu i ddeall pa fathau o randdeiliaid rydym wedi’u cyrraedd drwy ein gwaith ymgysylltu.

ii. Efallai y byddwn ni’n defnyddio eich cyfeiriad e-bost a'ch dewisiadau iaith i anfon negeseuon atoch chi am brosiectau ymgysylltu â rhanddeiliaid a allai fod o ddiddordeb i chi. Bydd opsiwn i ddad-danysgrifio o'r negeseuon hyn. Mae’n bosibl y byddwn ni hefyd yn defnyddio eich e-bost i gysylltu â chi am eich ymatebion.

iii. Gall y cynnwys rydych chi'n ei greu fel rhan o'ch rhyngweithiadau ar y platfform hwn gynnwys ymatebion i ymgynghoriadau cyhoeddus, arolygon, polau piniwn cyflym, sylwadau a fforymau trafod. Bydd hyn yn cael ei gadw ynghyd â'ch gwybodaeth gofrestru adnabyddadwy.

iv. Bydd ymatebion i ymgynghoriadau ac arolygon yn cael eu cadw yn unol â'n hamserlen gadw. 

v. Mae darparwyr y platfform, Engagement HQ (Granicus), yn gweithredu fel prosesydd o dan gontract ar gyfer Cymwysterau Cymru.  

vi. Cymwysterau Cymru yw Rheolydd yr wybodaeth bersonol a gedwir o fewn y platfform.

vii. Ein sail gyfreithlon ar gyfer prosesu eich data personol yw tasg gyhoeddus o dan Erthygl 6(1)(e) gan fod ein gweithgareddau ymgysylltu yn ymwneud ag arfer ein swyddogaethau statudol o dan Ddeddf Cymwysterau Cymru 2015.

viii. Gallwn hefyd brosesu data personol categori arbennig i fonitro ein hymgysylltiad â grwpiau sydd wedi'u tangynrychioli.  Nid oes rhaid i chi roi'r wybodaeth hon i ni. Os byddwch yn rhoi eich data categori arbennig i ni, byddwn yn ei brosesu ar sail caniatâd penodol o dan erthygl 9(2)(a) o GDPR y DU ac Atodlen 1, Rhan 2, Paragraff (6)(a) o Ddeddf Diogelu Data 2018 sy'n ymwneud â dibenion statudol a llywodraethol. 

ix. Gallwch dynnu eich caniatâd yn ôl unrhyw bryd drwy fewngofnodi i’r platfform a diwygio’ch ymatebion cofrestru neu drwy gysylltu â ni.  

x. I gael rhagor o fanylion am sut mae eich data’n cael ei brosesu mewn cysylltiad â'n gwefan Dweud eich Dweud, cyfeiriwch at hysbysiad preifatrwydd y wefan: https://dweudeichdweud.cymwysterau.cymru/preifatrwydd

F. Ymchwil i Werthuso’r Diwygiadau i Gymwysterau 14-16

I. Fel rhan o'r gweithgaredd ymchwil hwn, bydd Cymwysterau Cymru’n casglu ac yn prosesu gwybodaeth bersonol amdanoch chi. Gall hyn gynnwys eich enw, oedran, teitl eich swydd, gwybodaeth gyswllt, dewis iaith, enw'ch cyflogwr, hanes gwaith, recordiadau llais a delweddau, barn a phrofiadau personol, at bwrpas gwerthuso effaith diwygiadau cymwysterau 14–16 oed yng Nghymru. 

ii. Y sail gyfreithlon ar gyfer prosesu'r wybodaeth hon yw tasg gyhoeddus o dan Erthygl 6(1)(e) o’r Rheoliad Cyffredinol ar Ddiogelu Data (GDPR).  

iii. Yn ogystal, os byddwch yn datgelu gwybodaeth yn wirfoddol sy'n ymwneud â'ch iechyd neu anabledd yn ystod cyfweliadau, bydd y data personol categori arbennig hwn hefyd yn cael ei brosesu.

iv. Y sail gyfreithlon ar gyfer prosesu'r wybodaeth hon yw Erthygl 9(2)(a) o GDPR y DU, caniatâd, ac Atodlen 1, Rhan 2, Paragraff 6(2)(a) o Ddeddf Diogelu Data 2018 sy'n ymwneud â dibenion statudol a llywodraethol.

v. Bydd yr wybodaeth a gesglir yn cael ei defnyddio i werthuso effaith y diwygiadau diweddar i gymwysterau 14-16 yng Nghymru ac i gynhyrchu a chyhoeddi adroddiadau ymchwil.  Gellir ei defnyddio hefyd i ddilyn trywydd canfyddiadau a chanlyniadau ein hymchwil.

vi. Rydym yn ymgymryd â'r gweithgaredd hwn i gefnogi ein prif nodau, sef:

a) Sicrhau bod cymwysterau, a system gymwysterau Cymru, yn effeithiol wrth ddiwallu anghenion rhesymol dysgwyr yng Nghymru.
b) Hybu hyder y cyhoedd mewn cymwysterau ac yn system gymwysterau Cymru.

vii. Cymwysterau Cymru yw'r rheolydd data.   

viii. Mae Alma Economics, sefydliad ymchwil annibynnol, wedi eu comisiynu gan Cymwysterau Cymru i gynnal yr ymchwil hon ar ein rhan a byddant yn gweithredu fel prosesydd trydydd parti.  Byddant yn gyfrifol am gasglu a phrosesu unrhyw wybodaeth bersonol rydych chi'n ei roi, gan weithredu o dan awdurdod a chyfarwyddyd Cymwysterau Cymru.  Mae gennym gontract ar waith gydag Alma Economics sy'n golygu na allant wneud unrhyw beth gyda'ch gwybodaeth bersonol oni bai ein bod wedi rhoi cyfarwyddiadau iddynt wneud hynny. Byddant yn cadw'ch data personol yn ddiogel ac yn ei gadw am gyfnod penodol, yn unol â’n cyfarwyddyd ni.

ix. Bydd eich data personol yn cael ei gadw dim ond cyhyd ag y bydd ei angen i gyflawni'r pwrpas y cafodd ei gasglu ar ei gyfer, neu cyhyd ag sy'n ofynnol yn ôl y gyfraith. Unwaith nad oes ei angen mwyach at y dibenion hyn, bydd yn cael ei ddinistrio'n ddiogel. 

x. Bydd Alma Economics yn cadw'ch data personol yn ddiogel am flwyddyn o ddyddiad cyhoeddi pob adroddiad, ac ar ôl hynny bydd yn cael ei ddileu. 

xi. Bydd Cymwysterau Cymru yn cadw data personol cyfyngedig yn ddiogel, h.y. enw, cyflogwr a gwybodaeth gyswllt, dim ond cyhyd ag y bydd ei angen i gyflawni pwrpas y prosiect. Unwaith y bydd y prosiect wedi'i gwblhau ac nad oes angen eich data mwyach, bydd yn cael ei ddileu'n barhaol ac yn ddiogel.  Rhagwelir y bydd y prosiect wedi'i gwblhau erbyn 2030.

xii. Bydd y rhan fwyaf o'r data personol yr ydym yn ei brosesu yn cael ei roi i ni naill ai trwy ymgysylltu â ni yn y gorffennol neu yn ystod yr ymchwil hon.  Efallai y byddwn hefyd yn derbyn gwybodaeth bersonol yn anuniongyrchol er enghraifft trwy eich ysgol, cyflogwr, neu os ydych wedi gwneud eich gwybodaeth gyswllt ar gael i'r cyhoedd.

G. Digwyddiadau 

i. Efallai y byddwn yn defnyddio llwyfannau tocynnau a gweminarau trydydd parti i reoli digwyddiadau (e.e. Eventbrite).  Gall gwybodaeth bersonol a gesglir ar gyfer digwyddiadau gynnwys enw'r cyfranogwyr, sefydliad, manylion cyswllt, a gofynion dietegol yn ogystal â chofnodion cyfranogiad a dewisiadau o ran y Gymraeg.  Rydym yn defnyddio'r wybodaeth hon i hwyluso'r digwyddiad.   Caiff yr wybodaeth hon ei hallforio o wefannau trydydd parti a'i chadw'n ddiogel ar ein systemau.   

ii. Cymwysterau Cymru fydd rheolydd yr wybodaeth bersonol a ddarperir ar gyfer ein digwyddiadau.  

iii. Y sail gyfreithlon ar gyfer prosesu'r wybodaeth hon yw caniatâd o dan Erthygl 6(1)(a) o’r Rheoliad Cyffredinol ar Ddiogelu Data y DU (GDPR).  

iv. Gall systemau trydydd parti hefyd weithredu fel rheolydd data ar gyfer rhywfaint o wybodaeth bersonol a gyflwynir gan eu defnyddwyr e.e. os ydych yn cofrestru ar gyfer eu gwefan.  Cyfeiriwch hefyd at hysbysiadau preifatrwydd y gwefannau hyn wrth gofrestru.

v. Mae’n bosibl y byddwn yn tynnu lluniau ac yn gwneud fideos mewn digwyddiadau i'w defnyddio ar ein gwefan a'n sianeli cyfryngau cymdeithasol.  Gall y rhain gynnwys cyfranogwyr mewn digwyddiadau.  Byddwn yn gofyn am ganiatâd cyn recordio delwedd person mewn ffordd a allai ei adnabod.  Rhowch wybod i drefnydd y digwyddiad cyn i’r digwyddiad ddechrau os nad ydych am gael eich cynnwys.  

vi. Byddwn ond yn cadw eich data personol cyhyd ag y bydd ei angen at y diben y cafodd ei gasglu ar ei gyfer, neu gyhyd ag sy'n ofynnol gan ddeddfwriaeth, a byddwn yn ei ddinistrio pan nad oes angen i ni ei gadw at y dibenion hynny mwyach.  Rydym yn dileu data cyfranogiad mewn digwyddiadau dri mis ar ôl dyddiad y digwyddiad. 

H. Casgliadau Data - Data Dysgwyr

i. Fel rheoleiddiwr cyrff dyfarnu a chymwysterau yng Nghymru, byddwn yn gofyn am ddata dysgwyr gan gyrff dyfarnu, Llywodraeth Cymru a chyrff cyhoeddus eraill a all nodi unigolion.  Gall casgliadau data o'r fath gynnwys data categori arbennig fel ethnigrwydd dysgwr neu ddata am iechyd dysgwr lle gallai hyn fod yn gysylltiedig ag ystyriaethau arbennig. 

ii. Ein dibenion ar gyfer gofyn am y data yw:

a. cyflawni ein swyddogaethau monitro ac archwilio
b. cyhoeddi ystadegau am y system gymwysterau
c. cynnal ymchwil sy'n seiliedig ar dystiolaeth
d. ymchwilio i faterion penodol a adroddwyd i ni.

iii. Y sail gyfreithlon dros brosesu'r wybodaeth hon yw Erthygl 6(1)(e) o GDPR y DU sy'n caniatáu inni brosesu data personol pan fo hyn yn angenrheidiol i gyflawni ein tasgau cyhoeddus fel rheoleiddiwr.   Os yw'r wybodaeth a dderbyniwn yn cynnwys data categori arbennig, megis gwybodaeth iechyd neu ethnig, y sail gyfreithlon yr ydym yn dibynnu arni i'w phrosesu yw Erthygl 9(2)(g) o GDPR y DU, budd sylweddol i’r cyhoedd, ac Atodlen 1 paragraff 2(6) o Ddeddf Diogelu Data 2018 sy'n ymwneud â dibenion statudol a llywodraethol.

iv. Ni chyhoeddir unrhyw ddata sy'n dynodi dysgwyr unigol.

v. Bydd y data yn cael ei gadw am 15 mlynedd er mwyn gallu dadansoddi tueddiadau. Ar ôl y pwynt hwn fel arfer bydd yn cael ei ddinistrio. 

vi. Mae’n bosibl y byddwn yn rhannu data â thrydydd partïon i wneud gwaith ymchwil a dadansoddi ar ein rhan. Mae’n ofynnol o dan gontract i bob trydydd parti sy’n prosesu data personol ar ein rhan gadw at y GDPR.

vii. Fel cynhyrchwyr ystadegau swyddogol, rydym yn cydymffurfio â'r Cod Ymarfer ar gyfer Ystadegau wrth gynhyrchu ystadegau.

I. Paneli a Grwpiau Ymgysylltu

i. Rydym wedi sefydlu sawl grŵp a phanel ymgysylltu pwrpasol i hwyluso deialog ystyrlon gyda chymunedau penodol o randdeiliaid ar faterion sy'n berthnasol i'w buddiannau.  

ii. Rydym yn casglu ac yn prosesu data personol gan unigolion sy'n aelodau o'n paneli neu grwpiau ymgysylltu, neu gan y rhai sydd wedi mynegi diddordeb mewn ymuno â phanel neu grŵp.  Mae hyn yn cynnwys enw, manylion cyswllt, ysgol, sefydliad, dewis iaith a barn.  

iii. Rydym hefyd yn casglu ac yn prosesu oedran unigolion sy'n cymryd rhan yn ein paneli dysgwyr.

iv. Gallwn weithiau brosesu data personol sensitif gan gynnwys gwybodaeth iechyd ac ethnigrwydd.  

v. Bydd Cymwysterau Cymru yn gweithredu fel y rheolydd data ar gyfer unrhyw wybodaeth bersonol a ddarperir gennych wrth gymryd rhan yn ein paneli a'n grwpiau ymgysylltu.

vi. Ein sail gyfreithlon ar gyfer prosesu eich data personol yw tasg gyhoeddus o dan Erthygl 6(1)(e) gan fod ein gweithgareddau ymgysylltu yn ymwneud ag arfer ein swyddogaethau statudol o dan Ddeddf Cymwysterau Cymru 2015. 

vii. Nid oes rhaid i chi roi eich data categori arbennig i ni er mwyn cymryd rhan yn ein paneli a'n grwpiau ymgysylltu.  Os byddwch yn rhoi eich data categori arbennig i ni, byddwn yn ei brosesu ar sail caniatâd penodol o dan erthygl 9(2)(a) o GDPR y DU ac Atodlen 1, Rhan 2, Paragraff 6(2)(a) o Ddeddf Diogelu Data 2018 sy'n ymwneud â dibenion statudol a llywodraethol.  

viii. Gallwch dynnu eich caniatâd yn ôl ar unrhyw adeg trwy gysylltu â ni.  

ix. Byddwn ond yn cadw eich data personol cyhyd ag y bydd ei angen at y diben y cafodd ei gasglu ar ei gyfer, neu gyhyd ag sy'n ofynnol gan ddeddfwriaeth, a byddwn yn ei ddinistrio pan nad oes angen i ni ei gadw at y dibenion hynny mwyach.   Mae data personol aelodau paneli a grwpiau yn cael ei gofnodi o fewn ein system CRM ac mae'n destun adolygiad i'w ddileu ar ôl pum mlynedd.

J. Rhestr Bostio Cylchlythyrau 

i. Mae'n hanfodol bod rhanddeiliaid allweddol yn parhau i gael yr wybodaeth ddiweddaraf am waith Cymwysterau Cymru a bydd ein cylchlythyr misol yn cael ei anfon yn awtomatig at bob prif gyswllt mewn cyrff dyfarnu, ysgolion a cholegau.  Mae prif gysylltiadau’n cynnwys swyddogion cyfrifol, penaethiaid ysgolion a cholegau, penaethiaid colegau AB a swyddogion arholiadau.  Bydd y cysylltiadau hyn yn derbyn cylchlythyrau a negeseuon eraill yn awtomatig.  Os hoffech ddiweddaru manylion y prif gyswllt, cysylltwch â ni.

ii. Trwy danysgrifio i'n cylchlythyr neu unrhyw restrau postio, rydych yn rhoi caniatâd i ni gadw eich dynodwyr personol a’ch manylion cyswllt at ddibenion anfon y cylchlythyr neu'r rhestr bostio yr ydych wedi tanysgrifio iddi.  

iii. Mae Cymwysterau Cymru yn gweithredu fel y rheolydd data ar gyfer unrhyw wybodaeth bersonol rydych chi'n ei darparu wrth danysgrifio i'n rhestr bostio cylchlythyrau.

iv. Ein sail gyfreithlon ar gyfer prosesu eich gwybodaeth bersonol yw caniatâd o dan Erthygl 6(1)(a) GDPR.

v. Bydd eich data personol yn cael ei brosesu yn unol â'r hysbysiad Preifatrwydd Corfforaethol, a gallwch ddad-danysgrifio o'n rhestr bostio ar unrhyw adeg trwy glicio ar 'dad-danysgrifio' ar waelod y neges. 

K. Caffael a Chontractwyr

I. Cymwysterau Cymru fydd rheolydd unrhyw wybodaeth bersonol a roddwch i ni fel rhan o’r broses gaffael. 

ii. Bydd yr wybodaeth hon yn cael ei phrosesu o dan y sail gyfreithiol ei bod yn angenrheidiol er mwyn cymryd camau ar eich cais gyda golwg ar ymrwymo i gontract am nwyddau a gwasanaethau, Erthygl 6(1)(b) GDPR.  
iii.    Os byddwch yn llwyddiannus yn eich cais, byddwn yn cadw eich gwybodaeth bersonol am hyd ein contract gyda chi ac wedi hynny yn unol â'n hamserlen gadw. 

iv. Mae’n bosibl y byddwn yn trosglwyddo eich manylion i drydydd partïon sy’n prosesu data ar ein rhan lle bo angen i hwyluso taliad, i gyflawni’r contract neu i ddadansoddi data gwariant trydydd parti.  

v. Mae’n ofynnol o dan gontract i bob trydydd parti sy’n prosesu data personol ar ran cleient gadw at y GDPR.  

vi. Rydym yn cyhoeddi cofrestr contractau ar ein gwefan o’r holl gontractau a ddyfarnwyd ac mae hyn yn cynnwys enw’r cyflenwr, enw’r contract, dyddiad dechrau a gorffen y contract, a chyfanswm gwerth y contract (lle bo’n briodol). 

vii. Byddwn yn cadw gwybodaeth am ymgeiswyr aflwyddiannus am dair blynedd yn dilyn y flwyddyn ariannol y dyfarnwyd y contract ynddi, yna caiff ei dinistrio.  

L. Y Broses Gydnabod

i. Cymwysterau Cymru fydd rheolydd unrhyw wybodaeth bersonol a roddwch i ni trwy'r broses ar gyfer cydnabod cyrff dyfarnu. 

ii. Bydd yr wybodaeth hon yn cael ei chasglu at ddibenion penderfynu ar gais corff dyfarnu am gydnabyddiaeth a gellir ei defnyddio i fonitro unrhyw gydymffurfiaeth â'n 'Hamodau Cydnabod Safonol' yn y dyfodol.

iii. Y sail gyfreithlon dros brosesu'r wybodaeth hon yw Erthygl 6(1)(e) o GDPR y DU sy'n caniatáu inni brosesu data personol pan fo hyn yn angenrheidiol i gyflawni ein tasgau cyhoeddus fel rheoleiddiwr.   

iv. Os byddwch yn llwyddiannus yn eich cais, byddwn yn cadw eich gwybodaeth bersonol cyhyd â'ch bod yn parhau i fod yn gorff dyfarnu cydnabyddedig ac wedi hynny yn unol â'n hamserlen gadw. Os yw ymgeiswyr yn llwyddiannus, byddwn yn cadw eich gwybodaeth bersonol am ddeuddeg mis ar ôl i'r weithdrefn ymgeisio gael ei chwblhau, yna bydd yn cael ei dinistrio'n ddiogel.

v. Efallai y bydd eich gwybodaeth bersonol yn cael ei rhannu rhwng rheoleiddwyr y DU am y rhesymau canlynol:

a) rydych eisoes wedi cael eich cydnabod gan reoleiddiwr arall yn y DU
b) rydych wedi gwneud cais i reoleiddwyr eraill y DU ar yr un pryd
c) os ydych wedi bod yn aflwyddiannus o'r blaen wrth wneud cais am gydnabyddiaeth gan reoleiddwyr eraill y DU.

M. Recriwtio

i. Byddwn yn prosesu eich data personol er mwyn bwrw ymlaen â'ch cais, rheoli'r broses recriwtio ac ar gyfer cadw cofnodion o'r broses.  Mae hyn yn golygu y gall sail gyfreithlon wahanol fod yn berthnasol i wahanol gamau o'r broses: 

a) Mae’n bosibl y bydd angen i ni brosesu eich data personol i gyflawni camau rydych wedi gofyn amdanynt cyn ymrwymo i gontract. Yn ogystal, gallwn brosesu'ch data personol i sefydlu a chyflawni ein rhwymedigaethau contractiol gyda chi. Cynhelir y prosesu hwn yn unol ag Erthygl 6(1)(b) o'r GDPR.
b) Mae’n bosibl y bydd angen i ni hefyd brosesu eich data personol i gyflawni ein rhwymedigaethau cyfreithiol. Er enghraifft, wrth wirio bod ymgeiswyr llwyddiannus yn gymwys i weithio yn y DU. Cynhelir prosesu o'r fath yn unol ag Erthygl 6(1)(c) o'r GDPR.
c) Rydym yn prosesu data personol yn ystod y broses recriwtio i gefnogi ein buddiannau busnes cyfreithlon. Mae hyn yn cynnwys rheoli'r broses recriwtio yn effeithlon, asesu addasrwydd ymgeiswyr ar gyfer rolau, gwneud penderfyniadau gwybodus am gynigion swyddi a chadw cofnodion priodol. Ein sail ar gyfer prosesu data personol at y dibenion hyn yw Erthygl 6(1)(f) o'r GDPR, sy'n caniatáu inni brosesu data pan fo'n angenrheidiol ar gyfer ein buddiannau cyfreithlon.
d) Mae’n bosibl y bydd angen i ni hefyd brosesu data personol a roddir gan ymgeiswyr i ymateb i hawliadau cyfreithiol a’u hamddiffyn. 
e) Ar adegau, efallai y bydd angen i ni brosesu data categori arbennig, megis manylion a ddefnyddir i fonitro ystadegau recriwtio neu i fodloni ein rhwymedigaethau o dan gyfraith cydraddoldeb, amrywiaeth a chyflogaeth. Gallwn hefyd gasglu gwybodaeth ynghylch a oes gan ymgeiswyr anabledd, fel y gallwn wneud addasiadau rhesymol priodol pan fo angen. Ym mhob achos, byddwn bob amser yn sicrhau bod sail gyfreithlon a, pan fo angen, amod ychwanegol perthnasol ar gyfer prosesu eich data categori arbennig. 

ii. Bydd angen i ni rannu eich data personol yn fewnol ac mae’n bosibl y bydd angen i ni ei rannu â rhai trydydd partïon neu broseswyr allanol.  Dim ond os yw'n angenrheidiol ac yn gyfreithlon y bydd eich data personol yn cael ei rannu.  Mae’n bosibl y bydd angen i ni rannu eich data personol gyda’r canlynol: 

a) aelodau panel allanol a allai fod yn rhan o'r broses recriwtio
b) sefydliadau sy'n darparu gwasanaethau cyfweld ac asesu ymgeiswyr
c) cyflenwyr sy'n ymgymryd â phrosesau sgrinio/fetio cefndir ar ein rhan
d) darparwyr Iechyd Galwedigaethol sy'n cynnal gwiriadau cyn gyflogaeth ar ein rhan. 
e) canolwyr rydych chi wedi'u darparu i gefnogi eich cais 
f) sefydliadau academaidd er mwyn dilysu gwybodaeth rydych chi wedi'i darparu
g) archwilwyr sy'n cynnal gweithgareddau archwilio.

iii. Os byddwch yn gwneud cais am swydd gyda ni, byddwn ond yn cadw gwybodaeth sy'n ymwneud â'ch cais cyhyd ag y bo angen. Os byddwch yn aflwyddiannus, byddwn yn cadw unrhyw ddata personol a ddarparwyd gennych chi (neu eraill) am flwyddyn ac ar ôl hynny bydd yn cael ei ddileu'n ddiogel.

N. Cyfweliadau Hyder Rhanddeiliaid mewn Cymwysterau a’r System Gymwysterau

I. Yn ystod y cyfweliadau hyn, byddwn yn casglu gwybodaeth sy’n adnabod unigolion, gan gynnwys enw eich sefydliad, teitl eich swydd, eich enw, a'ch manylion cyswllt.

ii. Ein sail gyfreithlon ar gyfer prosesu eich data personol yw caniatâd o dan Erthygl 6(1)(a) GDPR.

iii. Bydd cam o'r ymchwil hon yn canolbwyntio'n benodol ar gydraddoldeb, amrywiaeth a chynhwysiant. Yn ystod cyfweliadau â rhieni, byddwn yn casglu data categori arbennig, sy'n cynnwys gwybodaeth am ethnigrwydd, cyfeiriadedd rhywiol a chredoau crefyddol.

iv. Ein sail gyfreithlon ar gyfer prosesu data personol categori arbennig yw caniatâd penodol o dan Erthygl 9(2)(a) ac Atodlen 1, Rhan 2, Paragraff 6(2)(a) o Ddeddf Diogelu Data 2018 sy'n ymwneud â dibenion statudol a llywodraethol. 
v. Bydd Beaufort Research yn gweithredu fel prosesydd ar ran Cymwysterau Cymru. Cymwysterau Cymru fydd rheolydd data unrhyw ddata personol a gyflwynir.

vi. Bydd eich data personol yn cael ei gadw'n ddiogel am ddeuddeg mis ac yna'n cael ei ddinistrio.