Adroddiad blynyddol ar y farchnad gymwysterau: blwyddyn academaidd 2024 i 2025 yng Nghymru

Adroddiad blynyddol sy'n crynhoi ystadegau swyddogol am y farchnad gymwysterau yng Nghymru ar gyfer y flwyddyn academaidd 2024 i 2025.

Pwyntiau Allweddol

Ar 31 Awst 2025, roedd 87 o gyrff dyfarnu cydnabyddedig yng Nghymru, sydd dri yn llai nag ar yr un adeg yn 2024.

Roedd 3,378 o gymwysterau cymeradwy neu ddynodedig ar gael yn ystod blwyddyn academaidd 2024 i 2025, gostyngiad o 6.7% o’i gymharu â’r flwyddyn flaenorol.

Yn ystod blwyddyn academaidd 2024 i 2025, dyfarnwyd 751,355 o dystysgrifau ar gyfer cymwysterau rheoleiddiedig yng Nghymru, gostyngiad o 2.0% o’i gymharu â’r flwyddyn flaenorol.

CBAC oedd y corff dyfarnu â'r gyfran fwyaf o'r farchnad, gan ddyfarnu 65.0% o'r holl dystysgrifau, 1.6 pwynt canran yn is na'u cyfran o'r farchnad yn y flwyddyn flaenorol.