Cymwysterau yng Nghymru
Un o'n gweithgareddau allweddol fel rheoleiddiwr annibynnol cymwysterau yng Nghymru yw goruchwylio dyfarnu cymwysterau TGAU, UG a Safon Uwch, cymwysterau galwedigaethol a Bagloriaeth Cymru.
Cymwysterau cyn 16
Cymwysterau cyn 16 yw'r rhai a gymerir fel arfer gan ddysgwyr ym Mlynyddoedd 10 ac 11. Mae tri math gwahanol o gymwysterau ar gael. Cymwysterau cyffredinol (TGAU a chymwysterau Sylfaen), cymwysterau galwedigaethol (TAAU a chymwysterau Sylfaen cysylltiedig â gwaith), a chymwysterau sgiliau gan gynnwys Sgiliau Bywyd, Sgiliau Gwaith a'r Project Personol.
Cymwysterau ôl-16
Cymwysterau ôl-16 yw'r rhai a gymerir gan ddysgwyr yn y chweched dosbarth, coleg neu unrhyw leoliad addysg bellach neu leoliad dysgu seiliedig ar waith. Mae'r rhain hefyd yn cynnwys cymwysterau cyffredinol, galwedigaethol a sgiliau.
Diwygio cymwysterau
Ein nod yw llunio cymwysterau sydd wirioneddol wedi’u gwneud-i-Gymru sydd wedi'u cynllunio i fodloni anghenion penodol ein dysgwyr a'n heconomi ni.
