Mae cymwysterau Sylfaen yn gymwysterau lefel mynediad a lefel 1, sydd fel arfer yn cael eu hastudio gan ddysgwyr rhwng 14 ac 16 oed. Maen nhw wedi'u datblygu i fodloni anghenion penodol dysgwyr yng Nghymru.
Mae cymwysterau Sylfaen yn rhan annatod o'r cynnig Cymwysterau Cenedlaethol, gan gynyddu dewis a hyblygrwydd i bobl ifanc 14 i 16 oed yng Nghymru.
Byddan nhw’n cael eu haddysgu am y tro cyntaf mewn ysgolion a cholegau o fis Medi 2027.
Ar gael mewn amrywiaeth o bynciau cyffredinol a phynciau cysylltiedig â gwaith, mae cymwysterau Sylfaen yn adeiladu ar y dysgu a'r profiadau a gyflawnwyd o dan y Cwricwlwm i Gymru. Maen nhw wedi'u dylunio ar gyfer y rhai nad ydyn nhw efallai’n teimlo'n barod ar gyfer astudio TGAU a TAAU.
Bydd y cymwysterau hyn yn cael eu cyflwyno gan un neu fwy o'r cyrff dyfarnu canlynol, yn amodol ar gymeradwyaeth manyleb:
Mae cymwysterau Sylfaen yn cynnwys lefel mynediad a lefel 1 y Fframwaith Credydau a Chymwysterau (ac eithrio'r cymwysterau Cymraeg).
Mae’r gyfres yn cynnwys naw pwnc cyffredinol sy’n gysylltiedig â’r meysydd dysgu a phrofiad sy’n rhan o’r Cwricwlwm i Gymru, yn ogystal â 15 pwnc cysylltiedig â gwaith.
Gall dysgwyr gymryd cyfuniad o gymwysterau Sylfaen cyffredinol a chysylltiedig â gwaith, a gallan nhw hefyd gymryd y cymwysterau hyn ochr yn ochr â TGAU, TAAU a'r Gyfres Sgiliau.
Gallwch chi gael gafael ar fanylebau cyrff dyfarnu isod (bydd dolenni’n cael eu hychwanegu cyn gynted ag y bydd manylebau ar gael).
⁺Mae'r cymwysterau hyn yn dal i gael eu datblygu.
Gan fod y gwaith o ddatblygu cymwysterau Sylfaen mewn rhai pynciau yn parhau, bydd nifer cyfyngedig o gymwysterau presennol yn parhau i fod ar gael i ddysgwyr cyn-16 yn ystod y cyfnod dros dro hwn. Dyma nhw:
Gall athrawon gael yr wybodaeth ddiweddaraf am y cymwysterau sydd ar gael bob blwyddyn academaidd ar gyfer dysgwyr cyn-16 ar Cymwysterau yng Nghymru.
Gall manylion ynghylch argaeledd cymwysterau newid dros amser. Cynghorir ysgolion yn gryf i wirio statws cymwysterau ar gyfer dysgwyr cyn-16 drwy safle Cymwysterau yng Nghymru wrth gynllunio eu cwricwlwm.
Yn ogystal â rhoi cefndir cadarn i ddysgwyr mewn amrywiaeth o bynciau cyffredinol a phynciau cysylltiedig â gwaith, mae cymwysterau Sylfaen:
Y strwythur graddio ar gyfer cymwysterau Sylfaen yw:
Yr eithriad i hyn yw’r graddio ar gyfer Cymraeg Sylfaen a Cymraeg Craidd Sylfaen, sydd ar gael ar lefel mynediad ond nid lefel 1.
Bydd cymwysterau Sylfaen yn cael eu cydnabod yn eu rhinwedd eu hunain, a gall rhai dysgwyr ddewis astudio pynciau Sylfaen ochr yn ochr â’u TGAU a/neu TAAU ar lefel 1 a lefel 2.
Gall eraill, nad ydyn nhw efallai’n teimlo’n barod i astudio TGAU a TAAU, ddewis astudio cymwysterau Sylfaen i ddechrau a symud ymlaen i hyfforddiant neu ddysgu ôl-16. Efallai y bydd rhai yn dewis symud ymlaen yn syth i gyflogaeth.
Mae deunyddiau asesu enghreifftiol ar gael gan bob corff dyfarnu sy'n darparu cymwysterau Sylfaen.
Bydd cyrff dyfarnu yn aml yn darparu adnoddau ac arweiniad ychwanegol, megis cynlluniau gwaith a thaflenni gwaith, ac efallai y bydd ganddyn nhw hefyd ddysgu proffesiynol wyneb yn wyneb ac ar-lein ar gael ar gyfer athrawon.
Bydd adnoddau a hyfforddiant ychwanegol ar gael gan Adnodd a Dysgu maes o law.
Mae'r gyfres Cymwysterau Cenedlaethol hefyd yn cynnwys cymwysterau TGAU, TAAU a'r Gyfres Sgiliau, y mae modd eu hastudio ochr yn ochr â chymwysterau Sylfaen. Gallwch gael rhagor o wybodaeth am y cynnig llawn o gymwysterau ar gyfer pobl ifanc 14 i 16 oed ar y dudalen Cymwysterau Cenedlaethol.
Gallwch hefyd ddarllen am yr holl ymchwil, ymgynghoriadau a phenderfyniadau yn ymwneud â'r Cymwysterau Cenedlaethol yn llinell amser ein project.
