Cymorth ar gyfer arholiadau ac asesiadau
Rydyn ni yma i gefnogi dysgwyr, rhieni, gofalwyr, ysgolion a cholegau yn ystod blwyddyn academaidd 2025-2026. Byddwn ni’n parhau i ddiweddaru'r wybodaeth hon drwy gydol y flwyddyn.
Blogiau diweddaraf
Canllaw ar gyfer arholiadau ac asesiadau
Rydyn ni wedi cyhoeddi ein canllaw i arholiadau ac asesiadau 2025-2026, sy’n rhoi’r holl wybodaeth angenrheidiol i ddysgwyr am drefniadau ar gyfer eu cymwysterau.
Mae paratoi ar gyfer arholiadau ac asesiadau yn gallu bod yn amser prysur, ac efallai bydd gen ti gwestiynau am dy gymwysterau. *
Dysga fwy am dy arholiadau ac asesiadau, yn ogystal â chymorth ychwanegol yn ein Canllaw i Arholiadau ac Asesiadau.
Cymorth a chefnogaeth
Rydyn ni’n deall bod paratoi ar gyfer arholiadau ac asesiadau yn gallu bod yn gyfnod anodd i ddysgwyr, rhieni a gofalwyr. Mae amrywiaeth eang o adnoddau a chefnogaeth ar gael. Mae cefnogaeth ychwanegol ar gael yn y dolenni isod.
P’un a wyt ti’n ystyried parhau ag addysg ôl-16, dod yn brentis neu wneud cais am brentisiaeth gradd, mae gan wefan Gyrfa Cymru wybodaeth ddefnyddiol gyda chanllawiau a chymorth i dy helpu i gymryd dy gamau nesaf.
Os hoffet ti archwilio dy opsiynau mewn coleg addysg bellach yng Nghymru, cer i wefan Colegau Cymru lle cei restr o holl golegau Cymru gyda dolenni i’w gwefannau unigol.
Os wyt ti eisiau symud ymlaen i addysg uwch, mae gan wefan UCAS ragor o wybodaeth am ba gyrsiau sydd ar gael a sut i wneud cais.
Os hoffet ti gymryd dy gam nesaf i gyflogaeth, mae Cymru’n Gweithio ar gael i dy gefnogi gyda chyngor ac arweiniad rhad ac am ddim, a mynediad i hyfforddiant i dy helpu i gael gwaith a datblygu dy yrfa.