Mae Cymwysterau’r Gyfres Sgiliau yn gymwysterau lefel mynediad, lefel 1 a lefel 2, sydd fel arfer yn cael eu hastudio gan ddysgwyr rhwng 14 ac 16 oed. Maen nhw wedi'u datblygu i fodloni anghenion penodol dysgwyr yng Nghymru.
Mae'r Gyfres Sgiliau yn set eang ac addasadwy o gymwysterau sgiliau sydd ar gael fel rhan o'r Cymwysterau Cenedlaethol ar gyfer pobl ifanc 14 i 16 oed yng Nghymru. Maen nhw’n galluogi dysgwyr i greu eu llwybr dysgu eu hunain i ddatblygu sgiliau gwaith a bywyd effeithiol a pherthnasol.
Mae'r gyfres yn cynnwys:
Byddan nhw’n cael eu haddysgu am y tro cyntaf mewn ysgolion a cholegau o fis Medi 2027.
Bydd y cymwysterau hyn yn cael eu cyflwyno gan un neu fwy o'r cyrff dyfarnu canlynol, yn amodol ar gymeradwyaeth manyleb:
Mae'r Gyfres Sgiliau ar gael o lefel mynediad i lefel 2 y Fframwaith Credydau a Chymwysterau.
Mae o leiaf 28 o bynciau Sgiliau Bywyd ac 19 o bynciau Sgiliau Gwaith (yn dibynnu ar y corff dyfarnu), sy’n galluogi pob math o ddysgwyr i ddatblygu sgiliau mewn meysydd maen nhw wedi dweud wrthym yr hoffen nhw eu harchwilio. Yn ogystal â'r pynciau a restrir isod, efallai bydd gwahanol gyrff dyfarnu'n cynnig uned ieithoedd rhyngwladol ar gyfer Sgiliau Bywyd a Sgiliau Gwaith, yn ogystal â hyd at dair uned ychwanegol o'u dewis.
Mae pob pwnc yn cael ei addysgu a'i asesu fel uned annibynnol, gryno, a gall dysgwyr ddewis a dethol unedau i greu llwybr dysgu sy'n addas i'w cryfder au, eu diddordebau a'u dyheadau o ran dilyniant.
Gall dysgwyr ddilyn cyfuniad o unedau Sgiliau Bywyd a Sgiliau Gwaith ochr yn ochr â’u cymwysterau TGAU, TAAU a/neu Sylfaen er mwyn cyflawni:
Bydd y lefel a gyflawnir yn cael ei phennu gan y cyfuniad o unedau a ddilynir gan bob dysgwr. Er enghraifft, os bydd y dysgwr yn cyflawni dyfarniad, gyda 20 o ODDA (oriau dysgu dan arweiniad) ar lefel 1 a 40 GLH ar lefel 2, bydd yn sicrhau cymhwyster lefel 2 yn gyffredinol.
Bydd dysgwyr nad ydyn nhw wedi cronni digon o unedau i allu hawlio cymhwyster yn gallu hawlio ardystiad uned.
Mae’r Project Personol yn broject ar ei ben ei hun a gwblheir yn annibynnol gan ddysgwyr ar bwnc o’u dewis, sy’n eu galluogi nhw i ddatblygu eu sgiliau wrth archwilio pwnc maen nhw’n angerddol amdano.
Ar ôl cwblhau eu project, mae dysgwyr yn cael eu hasesu ar eu defnydd o bedwar sgil cyfannol fel sydd wedi eu hamlinellu yn y Cwricwlwm i Gymru:
Mae dysgwyr yn gallu dangos eu hyfedredd yn y sgiliau hyn trwy amrywiaeth eang o fathau o dystiolaeth.
Yn ogystal â galluogi dysgwyr i greu cymwysterau sy’n gweddu i’w hanghenion, diddordebau a dyheadau, mae’r Gyfres Sgiliau hefyd:
Y strwythur graddio ar gyfer cymwysterau Sgiliau Bywyd, Sgiliau Gwaith a Sgiliau Bywyd a Gwaith yw:
Y strwythur graddio ar gyfer y Project Personol yw:
Gan fod y Gyfres Sgiliau ar gael ar lefel mynediad, lefel 1 a lefel 2, mae'r cymwysterau wedi'u cynllunio i weithio i bob dysgwr a gellir eu dilyn ochr yn ochr â TGAU, TAAU a/neu gymwysterau Sylfaen.
Felly, gall dysgwyr sy'n dilyn y cymwysterau hyn symud ymlaen i astudiaeth academaidd neu alwedigaethol ôl-16, naill ai yn yr ysgol, mewn sefydliad addysg bellach, yn y brifysgol neu fel rhan o'u dysgu seiliedig ar waith. Bydd rhai yn dewis mynd yn syth i gyflogaeth.
Mae pob corff dyfarnu wedi sicrhau bod deunyddiau asesu enghreifftiol ar gael er mwyn cefnogi'r gwaith o gyflwyno eu cymwysterau Cyfres Sgiliau.
Mae adnoddau a chanllawiau ychwanegol, megis cynlluniau gwaith, taflenni gwaith a digwyddiadau dysgu proffesiynol, hefyd yn aml yn cael eu darparu gan gyrff dyfarnu.
Bydd adnoddau a hyfforddiant ychwanegol ar gael gan Adnodd a Dysgu maes o law.
Gallwch archwilio'r ystod lawn o opsiynau cymwysterau ar gyfer dysgwyr rhwng 14 ac 16 oed, gan gynnwys TGAU, TAAU a chymwysterau Sylfaen. Mae modd astudio’r cymwysterau hyn ochr yn ochr â chymwysterau TAAU er mwyn cefnogi ystod eang o lwybrau cynnydd.
I gael cipolwg ar y broses ddatblygu, edrychwch ar amserlen ein project sy'n cynnwys canfyddiadau ymchwil allweddol, gweithgarwch ymgynghori a cherrig milltir pwysig y project.
