Ein rôl ni

Mae Cymwysterau Cymru yn rheoleiddio pob cymhwyster, oni bai am raddau, yng Nghymru.  

Rydyn ni’n sicrhau bod cymwysterau: 

  • yn diwallu anghenion dysgwyr
  • o ansawdd uchel
  • yn cael eu dyfarnu'n deg
  • yn cael eu parchu gan ysgolion, colegau, prifysgolion a chyflogwyr

Rydyn ni’n rheoleiddio'r cyrff dyfarnu sy'n dylunio ac yn darparu cymwysterau megis:  

  • TGAU
  • UG a Safon Uwch
  • cymwysterau galwedigaethol
  • y Dystysgrif Her Sgiliau
  • Bagloriaeth Sgiliau Cymru Uwch
  • cymwysterau sylfaen
  • TAAU   
  • y Gyfres Sgiliau 

Mae dysgwyr wrth galon popeth rydyn ni'n ei wneud - rydyn ni eisiau iddyn nhw fod yn hyderus bod eu cymwysterau'n cael eu dyfarnu'n deg ac eisiau rhoi iddyn nhw gofnod gwerthfawr o'u gwybodaeth a'u sgiliau. 

Diwygio cymwysterau 

Yn ogystal â rheoleiddio cymwysterau, rydyn ni hefyd yn dylunio llawer o'r cymwysterau sy’n cael eu hastudio yng Nghymru.  

Mae cymwysterau ar gyfer dysgwyr 14–16 oed yn newid i adlewyrchu’r Cwricwlwm i Gymru. Mae Cymwysterau Cenedlaethol newydd yn cael eu cyflwyno mewn camau: 

  • O fis Medi 2025 – cymwysterau TGAU newydd yn dechrau cael eu haddysgu am y tro cyntaf. 
  • O fis Medi 2026 – cyflwyno mwy o gymwysterau TGAU newydd. 
  • O fis Medi 2027 – cyflwyno cymwysterau TAAU newydd, cymwysterau sylfaen newydd a’r Gyfres Sgiliau newydd yn cael eu cyflwyno. 

Y nod yw cynnig cymwysterau sy'n cyd-fynd â'r hyn mae pobl ifanc yn ei ddysgu a’u cefnogi yn eu camau nesaf. 

 

Arholiadau ac asesiadau

Mae ein hadran Arholiadau ac Asesiadau yn esbonio'r holl drefniadau ar gyfer y flwyddyn academaidd hon, gan gynnwys dyddiadau allweddol a chanllawiau. 

Canllaw i arholiadau ac asesiadau 

Mae ein canllaw i arholiadau ac asesiadau yn esbonio sut mae cymwysterau'n cael eu hasesu, sut mae graddau’n cael eu gosod, yn nodi dyddiadau pwysig, ac yn cynnig cymorth a chefnogaeth i ddysgwyr.

Mae cyngor ar adolygu a llesiant hefyd ar gael ar hwb Lefel Nesa. 

Arholiadau 360 

Dysga sut mae'r system arholiadau'n gweithio, gan gynnwys pwy sy'n paratoi papurau arholiad a sut mae ffiniau graddau'n cael eu gosod: Arholiadau 360 

Canlyniadau haf 2025 

Cer i adran canlyniadau haf 2025 i ddysgu am ganlyniadau'r llynedd. 

 

Cymryd rhan

Llysgenhadon dysgwyr 

Rydyn ni’n gweithio'n agos gyda dysgwyr i helpu siapio’r system gymwysterau. Yn 2021, fe wnaethon ni sefydlu ein panel cyntaf ar gyfer llysgenhadon dysgwyr i glywed eu barn nhw a chynnwys ei safbwyntiau yn ein gwaith. 

Mae llysgenhadon dysgwyr yn: 

  • rhannu eu profiadau
  • ein helpu ni i ddeall beth maen nhw ei angen gennyn ni a'r sector addysg ehangach
  • ein helpu ni i wella cymwysterau
  • ennill sgiliau a hyder ar gyfer eu camau nesaf 

Dysga fwy am sut gelli di ymuno â'n panel dysgwyr.  

Fforwm i rieni a gofalwyr 

Rydyn ni eisiau clywed gan rieni a gofalwyr o bob cwr o Gymru, i ddeall eu profiad nhw o gymwysterau. Mae ein fforwm i rieni a gofalwyr yn cynnig cyfleoedd i rannu eich barn ar y canlynol: 

  • cymwysterau newydd
  • dewisiadau o ran cymwysterau
  • lles disgyblion
  • anghenion dysgu ychwanegol
  • arholiadau ac asesiadau 

Dysgwch fwy a chofrestrwch eich diddordeb mewn ymuno â'n fforwm i Rieni a Gofalwyr. 

 

Cymwysterau sydd ar gael yng Nghymru

Cymwysterau ar gyfer dysgwyr 14 i 16 oed 

Mae Cymwysterau Cenedlaethol newydd yn cael eu cyflwyno ar gyfer pobl ifanc 14 i 16 oed rhwng Medi 2025 a Medi 2027. Mae Cymwysterau Cenedlaethol yn cynnwys:

Cymwysterau ar gyfer dysgwyr ôl-16 

Lefelau cymwysterau 

Mae'r rhan fwyaf o gymwysterau yn y DU yn ffitio i naw lefel (12 yn yr Alban). Po uchaf yw'r lefel, y mwyaf datblygedig yw'r cymhwyster. Gall dau gymhwyster ar yr un lefel amrywio o ran maint a chynnwys. 

Mae Fframwaith Credydau a Chymwysterau Cymru yn esbonio sut mae cymwysterau'n cyd-fynd â'i gilydd. 

Teithiau Dysgwyr 

Os wyt ti'n ystyried pa gymwysterau rwyt ti eisiau eu hastudio mewn maes penodol, neu'n cefnogi rhywun sydd, mae teithiau dysgwyr yma i helpu.   

Dogfennau un dudalen ydyn nhw sy'n dangos yr holl wahanol opsiynau a llwybrau cymhwyso sydd ar gael ym mhob sector. Maen nhw ar gael i gefnogi dysgwyr a rhieni wrth iddyn nhw edrych ar y dewisiadau sydd ar gael mewn maes galwedigaethol.