Y Gyfres Sgiliau

Mae'r Gyfres Sgiliau yn rhan annatod o'r cynnig Cymwysterau Cenedlaethol 14–16 newydd. Ar gael o Lefel Mynediad i Lefel 2, mae’r Gyfres Sgiliau yn galluogi dysgwyr i greu eu llwybr dysgu eu hunain o amrywiaeth o bynciau cynhwysol i ddatblygu sgiliau gwaith a bywyd effeithiol a pherthnasol. 

Bydd y cymwysterau hyn yn cael eu cyflwyno gan un neu fwy o'r cyrff dyfarnu canlynol, yn amodol ar gymeradwyaeth manyleb:

• • Agored Cymru
  • King's Trust
  • Open Awards
  • Pearson
  • RSL Awards
  • TLM
  • CBAC

 

Pa bynciau fydd ar gael fel rhan o'r Gyfres Sgiliau? 

Bydd o leiaf 28 o bynciau Sgiliau Bywyd ac 19 o bynciau Sgiliau Gwaith, gan alluogi pob math o ddysgwyr i ddatblygu sgiliau mewn meysydd maen nhw wedi dweud wrthym yr hoffen nhw eu harchwilio. Yn ogystal â'r pynciau a restrir isod, bydd cyrff dyfarnu'n gallu cynnig uned ieithoedd rhyngwladol ar gyfer Sgiliau Bywyd a Sgiliau Gwaith, yn ogystal â hyd at dair uned ychwanegol o'u dewis. 

Mae pob pwnc yn cael ei addysgu a'i asesu fel uned annibynnol, gryno, a gall dysgwyr ddewis a dethol unedau i greu llwybr dysgu sy'n addas i'w cryfder au, eu diddordebau a'u dyheadau o ran dilyniant. Gall dysgwyr ddilyn unedau’r Gyfres Sgiliau ochr yn ochr â'u TGAU, TAAU a/neu gymwysterau Sylfaen. 

Gall dysgwyr hefyd ddatblygu eu sgiliau drwy archwilio pwnc maen nhw’n teimlo’n angerddol amdano gyda'r Project Personol. 

Gall athrawon ac arweinwyr ysgolion ddod o hyd i restr o'r cymwysterau galwedigaethol a sgiliau na fydd ar gael mwyach o fis Medi 2027 yn ein llythyr i ganolfannau.

Pynciau Sgiliau Bywyd

Mae’r 28 uned Sgiliau Bywyd yn ymdrin â phynciau sy’n caniatáu i bob dysgwr ddatblygu sgiliau a gwybodaeth mewn meysydd a fydd yn eu helpu mewn bywyd, a’u cefnogi i ddod yn unigolion iach a hapus.

Sgiliau Bywyd
Celf a Chrefft Cerddoriaeth, Dawns a Drama   Cydraddoldeb, Amrywiaeth a Chynhwysiant Cyfranogiad Cymunedol Cymorth Cyntaf Sylfaenol Cynaliadwyedd Ar Waith Cynllunio a Pharatoi Bwyd   Deall Eich Hun ac Eraill   Democratiaeth Ar Waith   Dewisiadau Moesegol Diogelwch Ar-Lein Diogelwch Personol   Ffilm a Chyfryngau Digidol   Ffordd Iach o Fyw Ffydd a Chred yn y Gymuned	Garddio Ymarferol   Gofalu am Eraill  Gwaith Tîm   Gwerthoedd ar Gyfer Bywyd   Gwyddoniaeth aThechnoleg mewn Bywyd Bob Dydd   Iaith Arwyddion Prydain  Iechyd Meddwl a Lles  Llythrennedd Ariannol  Perthnasoedd Iach Rheoli a Chynnal a Chadw Cartref  Sgiliau yn yr Amgylchedd Naturiol  Y Gyfraith Bob Dydd  Ymarfer Corff i Bawb

Pynciau Sgiliau Gwaith

Mae’r 19 uned Sgiliau Gwaith yn ymdrin â phynciau a fydd yn helpu dysgwyr i drosglwyddo i gyflogaeth, ar ba bynnag bwynt maen nhw’n dewis symud ymlaen o addysg amser llawn.

Sgiliau Gwaith
Archwilio Llwybrau Gyrfa   Creadigrwydd Gyrfa   Cyllid Busnes  Cynllunio Datblygiad Personol Datblygu Economaidd Cynaliadwy Deall y Farchnad Swyddi Sy'n Newid Defnyddio TG yn y Gweithle Goresgyn Rhwystrau Gwasanaeth Cwsmeriaid  Gweithio yng Nghymru	Gwneud Cais am Swyddi Hawliau a Chyfrifoldebau yn y Gweithle Lles a Gwaith  Meithrin Meddylfryd Twf Menter Profiad Gwaith   Swyddi'r Dyfodol Technegau Cyfweld a Hyder Tegwch a Chynhwysiant yn y Gweithle

Y Project Personol 

Yn olynydd i’r Dystysgrif Her Sgiliau, mae’r Project Personol yn brosiect ar ei ben ei hun a gwblheir yn annibynnol gan ddysgwyr ac ar bwnc o’u dewis. Ar ôl cwblhau eu project, bydd dysgwyr yn cael eu hasesu ar eu defnydd o bedwar sgil cyfannol fel yr amlinellir yn y Cwricwlwm i Gymru: 

• • • cynllunio a threfnu
    • creadigrwydd ac arloesedd
    • meddwl yn feirniadol a datrys problemau
    • effeithiolrwydd personol

Bydd dysgwyr yn gallu dangos eu hyfedredd yn y sgiliau hyn trwy amrywiaeth eang o fathau o dystiolaeth. 

Beth yw manteision allweddol y Gyfres Sgiliau?

Yn ogystal â galluogi dysgwyr i ddewis a dethol unedau i weddu i’w hanghenion, bydd y Gyfres Sgiliau hefyd: 

• • • ar ar gael yn y Gymraeg a’r Saesneg
    • yn bodloni nodau a dibenion y Cwricwlwm i Gymru
    • yn datblygu gwybodaeth, dealltwriaeth a sgiliau gyda phwyslais ar ddulliau ymarferol
    • yn hyrwyddo profiadau dysgu cadarnhaol
    • yn adlewyrchu amrywiaeth y dysgwyr a'r byd maen nhw'n byw ynddo
    • yn cefnogi iechyd meddwl a lles cadarnhaol
    • yn galluogi dysgwyr i symud ymlaen i hyfforddiant neu addysg ôl
    • 16
    • â system raddio gyson
      
      

 

Strwythur graddau’r Gyfres Sgiliau

Dyma fydd strwythur y graddau ar gyfer cymwysterau Sgiliau Bywyd, Sgiliau Gwaith a Sgiliau Bywyd a Gwaith:

Lefel Mynediad	Lefel 1	Lefel 2
Lefel Mynediad 1 Llwyddo	Lefel 1 Llwyddo	Lefel 2 Llwyddo
Lefel Mynediad 2 Llwyddo
Lefel Mynediad 3 Llwyddo

 

Dyma fydd strwythur y graddau ar gyfer y Project Personol: 

Lefel Mynediad	Lefel 1	Lefel 2
Lefel Mynediad 1 Llwyddo	Lefel 1 Llwyddo	Lefel 2 Llwyddo
Lefel Mynediad 2 Llwyddo	Lefel 1 Teilyngdod	Lefel 2 Teilyngdod
Lefel Mynediad 3 Llwyddo	Lefel 1 Rhagoriaeth	Lefel 2 Rhagoriaeth

 

 

Llwybrau cynnydd o'r Gyfres Sgiliau

Gan fod y Gyfres Sgiliau ar gael ar Lefel Mynediad, Lefel 1 a Lefel 2, mae'r cymwysterau wedi'u cynllunio i weithio i bob dysgwr a gellir eu dilyn ochr yn ochr â TGAU, TAAU a/neu gymwysterau Sylfaen. 

Felly, gall dysgwyr sy'n dilyn y cymwysterau hyn symud ymlaen i astudiaeth academaidd neu alwedigaethol ôl-16, naill ai yn yr ysgol, mewn sefydliad addysg bellach, yn y brifysgol neu fel rhan o'u dysgu seiliedig ar waith. Bydd rhai yn dewis mynd yn syth i gyflogaeth.

Llinell amser cyflawni’r project

Bydd y Gyfres Sgiliau yn cael ei haddysgu mewn ysgolion am y tro cyntaf o fis Medi 2027. Mae nifer o gerrig milltir i fod yn ymwybodol ohonynt fel rhan o ddatblygiad y cymwysterau newydd hyn:

 

---

2024

Rydyn ni wedi cyhoeddi meini prawf cymeradwyo (yr amodau y mae angen i gorff dyfarnu eu bodloni er mwyn i ni gymeradwyo eu cymwysterau) ar gyfer y Gyfres Sgiliau. 
Darllenwch ein meini prawf cymeradwyo ar gyfer Sgiliau Bywyd a Sgiliau Gwaith 
Darllenwch y meini prawf cymeradwyo ar gyfer y Project Personol

---

2025-2026

Bydd cyrff dyfarnu yn datblygu eu cymwysterau ar gyfer y Gyfres Sgiliau i ni eu cymeradwyo.

---

2026

Darllenwch am yr holl ymchwil, ymgynghoriadau a phenderfyniadau sy'n ymwneud â'r Cymwysterau Cenedlaethol yn ein llinell amser ar gyfer cyflawni'r project. 

---