Cofrestriadau dros dro ar gyfer arholiadau haf 2025 yng Nghymru
Adroddiad blynyddol sy'n cyflwyno data dros dro ar gofrestriadau ar gyfer TGAU, UG, Safon Uwch, Bagloriaeth Sgiliau Cymru Uwch a Thystysgrif Her Sgiliau.
Pwyntiau Allweddol
TGAU
- Gwnaed 312,545 o gofrestriadau TGAU yng Nghymru ar gyfer haf 2025. Mae hyn 3.5% yn is nag yn haf 2024.
- Dysgwyr Blwyddyn 11 yw'r rhai mwyaf tebygol o gofrestru ar gyfer TGAU yng nghyfres yr haf, gan gyfrif am 89.5% o gyfanswm y cofrestriadau.
- Bu gostyngiad o 3.9% yn nifer y cofrestriadau Blwyddyn 11 yr haf hwn o gymharu â haf 2024.
- Roedd cofrestriadau Blwyddyn 10 yn cyfrif am 5.7% o’r holl gofrestriadau TGAU yr haf hwn. Roedd 17,820 o gofrestriadau ar gyfer dysgwyr Blwyddyn 10 yn haf 2025, 4.0% yn is nag yn haf 2024
- Bu cynnydd yn nifer y cofrestriadau Blwyddyn 12 neu uwch yr haf hwn, sef 4.6% o gyfanswm y cofrestriadau TGAU.
Safon UG
- Cafwyd 40,830 o gofrestriadau UG ar gyfer haf 2025 yng Nghymru, 4.2% yn llai nag yn haf 2024.
- Roedd 33,840 o gofrestriadau ar gyfer dysgwyr Blwyddyn 12 yn haf 2025, gostyngiad o 5.6% o’i gymharu â haf 2024.
- Bu cynnydd o 7.0% yn nifer y cofrestriadau Blwyddyn 13 yr haf hwn o’i gymharu â haf 2024.
Safon Uwch
- Roedd 31,980 o gofrestriadau Safon Uwch ar gyfer haf 2025, 1.6% yn llai nag yn haf 2024. Mae cofrestriadau Safon Uwch wedi bod yn gostwng bob blwyddyn ers cyrraedd uchafbwynt o 36,420 yn haf 2022.
- O’i gymharu â haf 2024, gwelwyd gostyngiad o 1.7% mewn cofrestriadau ar gyfer dysgwyr Blwyddyn 13. Roedd dysgwyr Blwyddyn 13 yn cyfrif am 90.1% o'r holl gofrestriadau Safon Uwch yr haf hwn.
- Mae cofrestriadau blwyddyn 14 ac uwch wedi gostwng 2.4% rhwng haf 2024 a haf 2025, ond maent yn ffurfio'r un gyfran o gyfanswm y cofrestriadau yn y ddwy flynedd
Mae nifer o ffactorau a all ddylanwadu ar newidiadau yn nifer y cofrestriadau ar gyfer grwpiau blwyddyn dros amser, er enghraifft newidiadau i'r canlynol:
- Maint y boblogaeth;
- Ymddygiad cofrestru e.e. pryd y caiff dysgwyr eu cofrestru ar gyfer eu harholiadau TGAU
- Nifer y cymwysterau o bob math a sefir ar gyfartaledd;
- Y mathau o gymwysterau ôl-16 a sefir.
Bydd ffigurau cofrestru yn y datganiad hwn wedi cael eu heffeithio gan wahanol ddulliau o ddyfarnu graddau rhwng 2020 a 2023, yn ogystal â aflonyddwch arall a achosir gan bandemig COVID-19. Mae rhagor o wybodaeth i'w chael yn y nodiadau cefndir.
Gan fod y datganiad hwn yn seiliedig ar gyfrifiadau o gofrestriadau ar lefel cymhwyster, nid yw'n bosibl i ni feintioli effaith ffactorau o'r fath. Rydym wedi gwneud sylwadau ar ffactorau sy'n dylanwadu ar newidiadau mewn cofrestriadau dim ond lle rydym yn hyderus y bydd y ffactorau hyn yn debygol o fod yn gysylltiedig â newid.
Datganiadau blaenorol
Cofrestriadau dros dro ar gyfer Arholiadau Haf 2024 yng Nghymru - TGAU, UG, Safon Uwch a Thystysgrif Her Sgiliau
Cofrestriadau dros dro ar gyfer Arholiadau Haf 2023 yng Nghymru
Cofrestriadau dros dro ar gyfer Arholiadau Haf 2022
Cysylltwch â
Ystadegydd
Ffôn: 01633 373 250
E-bost: ystadegau@cymwysterau.cymru
Y Wasg
Ffôn: 01633 373 222
E-bost: wasg@cymwysterau.cymru