Gwybodaeth i Ddysgwyr

Y cymwysterau sydd ar gael yng Nghymru

Os nad wyt ti wedi clywed am Cymwysterau Cymru o'r blaen, rydym yn gweithio'n agos gyda Llywodraeth Cymru ac eraill, i wneud yn siŵr bod cymwysterau yn bodloni'ch anghenion, ac yn hybu hyder yn y system gymwysterau. 

Rydym yn rheoleiddio cyrff dyfarnu sy'n datblygu ac yn darparu'r cymwysterau canlynol yng Nghymru:

Cymwysterau Cenedlaethol Newydd ar gyfer pobl ifanc 14–16 oed

Efallai na fydd pob un o’r cymwysterau uchod yn gyfarwydd i chi. 

Mae hyn oherwydd ein bod ni’n diwygio’r holl gymwysterau sydd ar gael i bobl ifanc 14–16 oed, gan gynnwys TGAU. Fel rhan o’r gwaith yma, mae cymwysterau Sylfaen, TAAU a chymwysterau Sgiliau newydd yn cael eu cyflwyno o fis Medi 2027 ymlaen. 

Beth fydd effaith hyn arna i? 

Bydd cymwysterau newydd yn y pynciau canlynol yn cael eu dysgu o fis Medi 2025 ymlaen. Gallwch glicio ar y dolenni i gael rhagor o wybodaeth am bob pwnc. 

Bydd cymwysterau newydd yn y pynciau canlynol yn cael eu dysgu o fis Medi 2026 ymlaen. Gallwch glicio ar y dolenni i gael rhagor o wybodaeth am bob pwnc. 

O fis Medi 2027 ymlaen, gallwch ddilyn cymwysterau newydd sbon mewn amrywiaeth o bynciau galwedigaethol a sgiliau. Byddwn yn rhannu mwy am hyn pan fydd yr wybodaeth ar gael.  

Dod yn llysgennad dysgwyr

Un o feysydd allweddol ein gwaith yw llunio cymwysterau sy'n gweddu i anghenion heddiw a’r dyfodol. I’n helpu ni i wneud hyn, rydyn ni wedi sefydlu Panel Dysgwyr sy’n caniatáu i lais y dysgwr gael ei ymgorffori yn ein gwaith. 

Mae ein llysgenhadon dysgwyr yn grŵp ysbrydoledig o bobl sydd ystod amrywiol ac eang o brofiadau. Rydyn ni bob amser yn chwilio am ddysgwyr newydd i ymuno â’n panel, ac os hoffet ti gymryd rhan mae rhagor o fanylion ar ein tudalennau Panel Dysgwyr. 

Mae dod yn llysgennad dysgwyr yn gyfle gwych i ti fagu hyder, dweud dy ddweud ar gymwysterau yng Nghymru, ac mae’n rhoi profiad gwerthfawr i ti i’th gefnogi yn y camau nesaf ar dy daith ddysgu neu waith. 

Gweithgarwch y Panel Dysgwyr

Y Newyddion Diweddaraf gan ein Llysgenhadon Dysgwyr

Gweithgareddau’r Llysgenhadon Dysgwyr

Ymunodd y llysgenhadon dysgwyr â ni mewn sawl digwyddiad dros y flwyddyn ddiwethaf, gan gymryd rhan mewn trafodaethau, yn enwedig gyda chyd-ddysgwyr ar waith Cymwysterau Cymru a hyrwyddo'r Panel Dysgwyr.

Mae'r llysgenhadon hefyd yn rhoi mewnbwn rheolaidd i'n cynnwys ar gyfer y cyfryngau cymdeithasol a chyhoeddiadau fel ein Hadroddiad Blynyddol.

Arholiadau ac asesiadau 2024-25

Bydd popeth sydd angen i chi ei wybod am y trefniadau ar gyfer arholiadau ac asesiadau’r flwyddyn academaidd hon yn yr adran arbennig hon ar gyfer arholiadau ac asesiadau 2024-25.   

Lefelau cymwysterau

Mae Cymwysterau Cymru yn rheoleiddio pob cymhwyster yng Nghymru a gynigir gan gyrff dyfarnu cydnabyddedig, ar wahân i raddau. Mae'n bwysig i ti wybod pa lefel yw cymhwyster, er mwyn i ti allu deall sut y gall dy helpu gyda'r gamau nesaf i mewn i'r gwaith, neu astudiaethau ymhellach.

Ar draws y DU, mae'r rhan fwyaf o gymwysterau a gymerir yn yr ysgol, coleg addysg bellach, gwaith neu brifysgol yn ffitio i un o naw lefel (12 yn yr Alban). Yr uchaf yw'r lefel, yr anoddaf yw'r cymhwyster. Gall cymwysterau ar yr un lefel fod yn wahanol iawn o ran cynnwys a'r amser maen nhw'n ei gymryd i'w gwblhau.

Mae Fframwaith Credyd a Chymwysterau Cymru'n darparu un ffordd gyffredin o fesur yr hyn a gyflawnir wrth ddysgu, gan ddysgwyr o bob oedran a gallu. Mae fframweithiau tebyg ym mhob un o wledydd y DU.

Lefel Nesa

Cer draw i hwb cynnwys Lefel Nesa lle cei gyngor adolygu, canllawiau’n ymwneud â llesiant a gwybodaeth i’th helpu di drwy dymor arholiadau ac asesiadau.

Arholiadau 360

Mae pobl yn aml yn ein holi ni am y system arholiadau a sut mae’n gweithio. Pethau fel, pwy sy’n ysgrifennu fy mhapur arholiad a sut mae graddau arholiadau’n cael eu gosod? 

Ar Arholiadau 360, mae modd i ti ddod o hyd i’r atebion i’r cwestiynau hynny ac i ymholiadau cyffredin eraill sy’n gysylltiedig ag arholiadau. 

Canlyniadau haf 2024

Cer i'n hadran sydd wedi’i neilltuo’n arbennig ar gyfer canlyniadau haf 2024.