Datganiad ar gyrsiau newydd ym maes adeiladu

Cyrsiau prentisiaeth newydd ym maes adeiladu i’w cyflwyno yng Nghymru

Mae Llywodraeth Cymru a Medr wedi cyhoeddi y bydd fframwaith prentisiaethau adeiladu sylfaen, ar lefel 2, yn cael ei gyflwyno eleni.

Mae Cymwysterau Cymru wedi gweithio mewn partneriaeth â Llywodraeth Cymru a Medr i nodi sut y gall y system gymwysterau yn y sector hwn gefnogi'r newid hwn.

Rydym wedi cytuno gyda City & Guilds y bydd yr ystod o gymwysterau Sgiliau i Gymru yn cael eu diwygio, a bydd cymwysterau newydd yn cael eu cyflwyno ym meysydd gosod brics, gwaith coed ar safleoedd a sgaffaldio.

Bydd Cymwysterau Cymru yn darparu rhagor o fanylion yn ystod yr wythnosau nesaf.