Canllaw i ddysgwyr ar arholiadau ac asesiadau 2023-24

Mae Cymwysterau Cymru wedi cyhoeddi Canllaw i Ddysgwyr ar gyfer y flwyddyn academaidd 2023-24, er mwyn rhoi'r wybodaeth ddiweddaraf i ddysgwyr wrth iddyn nhw baratoi i sefyll eu harholiadau a'u hasesiadau yr haf hwn.

Rydyn ni’n gwybod bod hwn yn gallu bod yn gyfnod prysur, a bydd gan lawer gwestiynau am y trefniadau ar gyfer arholiadau ac asesiadau eleni. Dyna pam rydyn ni wedi creu canllaw wedi’i ddiweddaru ar gyfer y flwyddyn academaidd hon, sydd wedi’i gynllunio i helpu dysgwyr i ddeall sut bydd eu harholiadau a’u hasesiadau’n gweithio. Mae'r canllaw’n cynnwys llawer o wybodaeth ddefnyddiol, gan gynnwys:  

• dyddiadau pwysig i’w cofio 
• gwybodaeth am raddio  
• gwybodaeth am y camau nesaf ar ôl diwrnod canlyniadau 
• dolenni i wefannau defnyddiol lle gall dysgwyr gael awgrymiadau adolygu, canllawiau lles a chymorth arall.  

Ein gobaith yw y bydd dysgwyr yng Nghymru sy'n sefyll cymwysterau eleni yn gweld bod y canllaw yma’n adnodd defnyddiol.  

Mae pob un ohonon ni yn Cymwysterau Cymru yn dymuno pob lwc i chi yn eich arholiadau a’ch asesiadau eleni. 

Mae modd i chi gael rhagor o wybodaeth a darllen y canllaw yma.