Cymwysterau Cenedlaethol: TGAU

Mae beth a sut mae pobl ifanc yng Nghymru yn dysgu yn newid gyda chyflwyno'r Cwricwlwm i Gymru newydd. O ganlyniad, mae cymwysterau TGAU yng Nghymru yn newid hefyd.

Beth yw'r pynciau TGAU newydd yng Nghymru?

Mae'r cymwysterau TGAU newydd yn cwmpasu amrywiaeth o bynciau ar Lefel 1 a Lefel 2 o Fframwaith Credydau a Chymwysterau Llywodraeth Cymru, ac yn cefnogi'r chwe Maes Dysgu a Phrofiad fel yr amlinellir yn y cwricwlwm newydd:

- y celfyddydau mynegiannol
- iechyd a lles
- y dyniaethau
- ieithoedd, llythrennedd a chyfathrebu
- mathemateg a rhifedd
- gwyddoniaeth a thechnoleg

Mae'r pynciau, yn ogystal â'r testunau a'r themâu a drafodir ym mhob pwnc, wedi'u llunio yn dilyn cyfnod o gydweithio â rhanddeiliaid ac arbenigwyr yng Nghymru. Yn ogystal ag adlewyrchu'r cwricwlwm newydd, bydd y cymwysterau TGAU:

- ar gael yn Gymraeg a Saesneg
- yn cynnwys amrywiaeth gynyddol o ddulliau asesu
- yn gwneud y defnydd gorau o dechnoleg ddigidol lle bo hynny’n berthnasol
- yn adlewyrchu amrywiaeth y dysgwyr a'r byd maen nhw'n byw ynddo
- yn cael eu cydnabod gan gyflogwyr a phrifysgolion o fewn ffiniau Cymru a thu hwnt

Mae'r cymwysterau TGAU diwygiedig yn cael eu cyflwyno mewn dwy don a byddant ar gael i bobl ifanc rhwng 14 ac 16 oed o fis Medi 2025 a mis Medi 2026. Pan gaiff y cymwysterau TGAU newydd eu cyflwyno, byddan nhw’n disodli’r cymwysterau TGAU presennol yn y pynciau hynny.

TGAU Ton 1

Addysgu am y tro cyntaf o fis Medi 2025:
TGAU Almaeneg TGAU Astudiaethau Crefyddol TGAU Busnes TGAU Bwyd a Maeth TGAU Celf a Dylunio TGAU Cerddoriaeth TGAU Cyfrifiadureg TGAU Cymraeg Craidd TGAU Daearyddiaeth TGAU Drama TGAU Ffrangeg	TGAU Hanes TGAU Iaith a Llenyddiaeth Gymraeg (Dyfarniad Unigol a Dwbl) TGAU Iaith a Llenyddiaeth Saesneg (Dyfarniad Unigol a Dwbl) TGAU Mathemateg a Rhifedd (Dyfarniad Dwbl) TGAU Sbaeneg Dyfarniad Lefel 2 mewn Cymraeg Craidd Ychwanegol

*Y rhaglen astudio fwyaf priodol ar gyfer y rhan fwyaf o ddysgwyr

TGAU Ton 2

Addysgu am y tro cyntaf o fis Medi 2026:
TGAU Addysg Gorfforol ac Iechyd TGAU Astudiaethau Cymdeithasol TGAU Dawns TGAU Dylunio a Thechnoleg TGAU Ffilm a Chyfryngau Digidol	TGAU Gwyddoniaeth Integredig (Dyfarniad Unigol) TGAU Iechyd a Gofal Cymdeithasol, a Gofal plant TGAU Technoleg Ddigidol TGAU Y Gwyddorau (Dyfarniad Dwbl*) Dyfarniad Lefel 2 mewn Mathemateg Ychwanegol

*Y rhaglen astudio fwyaf priodol ar gyfer y rhan fwyaf o ddysgwyr

Manylebau CBAC ar gael nawr

Mae CBAC, yr unig ddarparwr ar gyfer TGAU yng Nghymru, wedi cyhoeddi manylebau pwnc ar gyfer cymwysterau TGAU ton 1 sy'n cael eu haddysgu mewn ysgolion o fis Medi 2025.

Cael mynediad at y manylebau

Beth yw'r newidiadau allweddol i'r cymwysterau TGAU newydd?

Mae newidiadau i'r cymwysterau TGAU newydd wedi'u gwneud fesul pwnc. Fel y rheoleiddiwr cymwysterau yng Nghymru, efallai y byddwn yn gwneud addasiadau i gymwysterau TGAU y tu allan i unrhyw ddiwygiad eang er mwyn sicrhau eu bod yn parhau'n gywir ac yn berthnasol i ddysgwyr a'r byd rydyn ni’n byw ynddo. O ganlyniad, mae rhai cymwysterau TGAU wedi gweld llai o newid nag eraill.

Gall athrawon a dysgwyr ddisgwyl gweld y newidiadau canlynol ar draws y cymwysterau TGAU:

- - symud o asesiadau llinol i asesiadau unedol, neu i'r gwrthwyneb
  - cynnydd mewn asesiadau di-arholiad mewn rhai pynciau
  - symud i arholiad digidol neu asesiad ar-sgrin lle bo hynny'n berthnasol
  - newid yn nifer yr unedau o fewn y cymhwyster TGAU

Darllenwch am y newidiadau ar gyfer TGAU unigol yn ein meini prawf cymeradwyo lefel pwnc

Llinell amser cyflwyno prosiectau

Darllenwch am yr holl ymchwil, ymgynghoriadau a phenderfyniadau sy'n ymwneud â'r Cymwysterau Cenedlaethol yn ein llinell amser ar gyfer cyflawni’r prosiect.

Cymerwch olwg ar y llinell amser yma