Cymwysterau Cenedlaethol: Sylfaen
O fis Medi 2027, bydd cymwysterau Sylfaen newydd ar gael i bobl ifanc rhwng 14 ac 16 oed yng Nghymru mewn amrywiaeth o bynciau cyffredinol a phynciau cysylltiedig â gwaith.
Mae cymwysterau Sylfaen newydd yn cael eu cyflwyno fel rhan o ddiwygiadau eang i gymwysterau sydd ar gael i bobl ifanc rhwng 14 ac 16 oed yng Nghymru. Byddan nhw’n rhan o'r gyfres Cymwysterau Cenedlaethol 14-16 newydd, gan gynyddu dewis a hyblygrwydd i ddysgwyr.
Mae cymwysterau Sylfaen ar gyfer dysgwyr nad ydyn nhw efallai'n teimlo'n barod ar gyfer astudio TGAU a/neu TAAU a byddan nhw’n rhychwantu Lefel Mynediad a Lefel 1 (ac eithrio'r cymwysterau Cymraeg).
Pa bynciau fydd ar gael fel cymwysterau Sylfaen?
Mae’r gyfres yn cynnwys naw pwnc cyffredinol sy’n gysylltiedig â’r meysydd dysgu a phrofiad sy’n rhan o’r Cwricwlwm i Gymru, yn ogystal â 15 pwnc cysylltiedig â gwaith, a fydd yn cefnogi dilyniant yn uniongyrchol i’r cymwysterau TAAU newydd.
Gall dysgwyr gymryd cyfuniad o gymwysterau Sylfaen cyffredinol a chysylltiedig â gwaith, a gallan nhw hefyd gymryd y cymwysterau hyn ochr yn ochr â TGAU, TAAU a'r Gyfres Sgiliau.
| Pynciau cyffredinol | |
|
|
| Pynciau cysylltiedig â gwaith | |
|
|
Beth yw prif fanteision y cymwysterau Sylfaen?
Yn ogystal â rhoi cefndir cadarn i ddysgwyr mewn amrywiaeth o bynciau cyffredinol a phynciau cysylltiedig â gwaith, bydd y cymwysterau Sylfaen:
-
-
- ar gael yn y Gymraeg a’r Saesneg
- yn bodloni nodau a dibenion y Cwricwlwm i Gymru
- yn hyrwyddo profiadau dysgu cadarnhaol
- yn adlewyrchu amrywiaeth y dysgwyr a'r byd maen nhw'n byw ynddo
- yn cefnogi iechyd meddwl a lles cadarnhaol
- yn cynnig amrywiaeth o fathau o asesiadau
- yn galluogi dysgwyr i symud ymlaen i wneud TGAU, TAAU neu hyfforddiant neu addysg ôl-16
- i gael eu cyflwyno o fewn yr adnoddau rhesymol sydd ar gael i ysgolion (ond heb fod yn gyfyngedig i ysgolion)
- â system raddio gyson
-
Strwythur graddio cymwysterau Sylfaen
Dyma fydd y strwythur graddio ar gyfer cymwysterau Sylfaen:
| Lefel Mynediad | Lefel 1 |
| Lefel Mynediad 1 Llwyddo | Lefel 1 Llwyddo |
| Lefel Mynediad 2 Llwyddo | |
| Lefel Mynediad 3 Llwyddo |
Yr eithriad i hyn fydd y graddio ar gyfer Cymraeg Sylfaen a Chymraeg Craidd Sylfaen, a fydd ar gael ar Lefel Mynediad ond nid Lefel 1.
Llwybrau cynnydd o astudiaeth Sylfaen
Bydd cymwysterau Sylfaen yn cael eu cydnabod yn eu rhinwedd eu hunain, a gall rhai dysgwyr ddewis astudio pynciau Sylfaen ochr yn ochr â’u TGAU a/neu TAAU ar Lefel 1 a Lefel 2.
Gall eraill, nad ydyn nhw efallai'n teimlo'n barod i astudio TGAU a/neu TAAU, ddewis astudio cymwysterau Sylfaen i ddechrau a symud ymlaen i TGAU a/neu TAAU yn ddiweddarach.
Efallai y bydd rhai dysgwyr yn dewis astudio cymwysterau Sylfaen yn hytrach na TGAU a/neu TAAU.
Yn dilyn astudiaeth Sylfaen, gall dysgwyr symud ymlaen i astudio TGAU a/neu TAAU neu astudiaeth alwedigaethol ôl-16, naill ai yn yr ysgol, mewn sefydliad addysg bellach neu fel rhan o'u dysgu seiliedig ar waith. Efallai y bydd rhai yn dewis symud ymlaen yn syth i gyflogaeth.
Llinell amser cyflawni’r prosiect
Bydd cymwysterau Sylfaen yn cael eu haddysgu mewn ysgolion am y tro cyntaf o fis Medi 2027. Mae nifer o gerrig milltir i fod yn ymwybodol ohonyn nhw fel rhan o ddatblygiad y cymwysterau newydd hyn:
2024
Byddwn yn cyhoeddi'r meini prawf cymeradwyo (yr amodau y mae angen i gorff dyfarnu eu bodloni er mwyn i'w cymhwyster gael ei awdurdodi) ar gyfer y Cymwysterau Sylfaen erbyn diwedd y flwyddyn.
2025-2026
Bydd cyrff dyfarnu yn datblygu’r Cymwysterau Sylfaen i ni eu cymeradwyo.
2026
Bydd cyrff dyfarnu'n cyhoeddi'r manylebau ar gyfer y Cymwysterau Sylfaen cymeradwy, flwyddyn cyn iddyn nhw gael eu haddysgu am y tro cyntaf mewn ysgolion.